ଭାଭନଗର: ଗୁଜରାଟର ଭାଭନଗର ଜିଲ୍ଲାର ତାଲଜା ନିକଟସ୍ଥ ଏକ ଗାଁରେ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି। ଯେଉଁଠି ଜଣେ ନର ରୁପି ରାକ୍ଷାସ ଭାଇ ନିଜ ହିତାହିତ ଜ୍ଞାନ ଭୁଲି ହାତରେ ରାକ୍ଷୀ ବାନ୍ଧୁଥିବା ଭଉଣୀ ସହ ଜଘନ୍ୟ କୁକର୍ମ କରିଛି। ଖବର ମୁତାବକ ଜଣେ ୨୯ ବର୍ଷୀୟ ବିବାହିତ ବ୍ୟକ୍ତି ନିଜର ୨୨ ବର୍ଷୀୟ ଭଉଣୀକୁ ଚାକୁ ଦେଖାଇ ଦୁଇ ଥର ଦୁଷ୍କର୍ମ କରିଥିବା ଅଭିଯୋଗରେ ଗିରଫ ହୋଇଛି। ଏହି ଘଟଣା ଗତ ଦେଢ଼ ମାସ ମଧ୍ୟରେ ଘଟିଥିହା ନେଇ ସୂଚନା ମିଳିଛି।
ପୋଲିସ ସୂତ୍ରରୁ ଜଣାପଡିଛି ଯେ, ପୀଡ଼ିତା ଗତ ତିନି ବର୍ଷ ଧରି ନିଜ ଗାଁର ଜଣେ ଯୁବକଙ୍କ ସହ ପ୍ରେମ ସମ୍ପର୍କରେ ଥିଲେ, ଯାହା ତାଙ୍କ ଭାଇଙ୍କୁ ଜଣାଥିଲା। ଏହି ସମ୍ପର୍କକୁ ନେଇ ଭାଇ ତାଙ୍କୁ ବ୍ଲାକମେଲ କରି ଏହି ଜଘନ୍ୟ କାଣ୍ଡ ଘଟାଇଥିଲେ। ପୀଡ଼ିତାଙ୍କ ଅଭିଯୋଗ ଅନୁଯାୟୀ, ସେ ଘରେ ଏକୁଟିଆ ଥିବା ବେଳେ ତାଙ୍କ ଭାଇ ତାଙ୍କୁ ଚାକୁ ଦେଖାଇ ଭୟଭୀତ କରି ଜୁଲାଇ ୧୩ ଓ ଅଗଷ୍ଟ ୨୨ ତାରିଖରେ ଦୁଇଥର ବଳାତ୍କାର କରିଥିଲେ। ଖାଲି ଏତିକି ନୁହେଁ ଏହା ସହ ସେ ତାଙ୍କ ଶରୀରରେ ବିଡ଼ି ଦ୍ୱାରା ଚେଙ୍କ ମଧ୍ୟ ଦେଇଥିଲେ।
ଦ୍ୱିତୀୟ ଥର ଏହି ସମାନ ଅପରାଧ କରିବା ପରେ, ପୀଡ଼ିତା ସାହସ ସଞ୍ଚୟ କରି ମହିଳାମାନଙ୍କ ପାଇଁ ଜାରି କରାଯାଇଥିହା ୧୮୧ ଜରୁରୀତାଳିନ ହେଲପଲାଇନ ନମ୍ବରକୁ କଲ କରିଥିଲେ। ଏହାପରେ ତାଙ୍କୁ ତାଲଜା ପୋଲିସ ଷ୍ଟେସନକୁ ନିଆଯାଇ ବୁଧବାର ଦିନ ଅଭିଯୁକ୍ତ ଭାଇ ବିରୋଧରେ ଏକ ଏଫଆଇଆର ଦାୟର କରାଯାଇଥିଲା। ଏହି ମାମଲାରେ ପୋଲିସ ଅଭିଯୁକ୍ତଙ୍କୁ ଗିରଫ କରି ତଦନ୍ତ ଆରମ୍ଭ କରିଛି। ଏହାସହ ଅଭିଯୁକ୍ତ ଧମକ ଦେଇଥିବା ଚାଖୁ ଓ ସେଦିନ ପୀଡିତା ପିନ୍ଧିଥିବା ପୋଷାକକୁ ପୋଲିସ ଜବତ କରିଛି।
ଖବର ମୁତାବକ, ପୀଡିତା ଜଣଙ୍କ ଅବିବାହିତ ହୋଇଥିବା ବେଳେ ସେ ନିଜ ବାପା, ମା, ଭାଇ, ଭାଉଜ ଓ ସାମାନଙ୍କ ସନ୍ତାନମାନଙ୍କ ସହ ସାଙ୍ଗ ହୋଇ ରହୁଥିଲେ। ଅନ୍ୟପଟେ ଏହି ମାମଲାର ମୁଖ୍ୟ ଅଭିଯୁକ୍ତ ଜଣଙ୍କ ଏକ କାର ଚାଳକ ଥିବା ଜଣାପଡିଛି। ତେବେ ପୋଲିସ ଦୁଇଜଣଙ୍କ ଡାକ୍ତରୀମାଇନା କରାଇବା ସହ ବୟାନ ରେକର୍ଡ କରିଛି।
ଏହି ଘଟଣା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି ଏବଂ ସମାଜରେ ନୈତିକତା ଓ ପାରିବାରିକ ସମ୍ପର୍କର ଅବକ୍ଷୟ ଉପରେ ଗମ୍ଭୀର ପ୍ରଶ୍ନ ଉଠାଇଛି। ପୋଲିସ ଏହି ମାମଲାରେ ଆଗକୁ ତଦନ୍ତ ଜାରି ରଖିଛି।
