ନୂଆଦିଲ୍ଲୀ,୨୦/୦୬: ନୂଆ ପାନ୍ କାର୍ଡ ପାଇଁ ବାଧ୍ୟତାମୂଳକ ହେବ ଆଧାର । ଜୁଲାଇ ୧ରୁ ଏହା କାର୍ଯ୍ୟକାରୀ ହେବ । ଏଭଳି ଏକ ଯୋଜନା ଉପରେ କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ଯୋଜନା କରୁଥିବା ଜଣାପଡ଼ିଛି ।
ଡିଜିଟାଲ ଭାରତ ଅଭିଯାନର ଏହା ଅଂଶବିଶେଷ । ଏହାସହିତ ଟିକସ ଦାଖଲ ସମୟରେ ଦାୟିତ୍ୱବୋଧତା ଏବଂ ଅନୁପାଳନକୁ ସୁନିଶ୍ଚିତ କରିବା ଲାଗି ଏହି ଯୋଜନା ପ୍ରସ୍ତୁତ କରାଯାଇଥିବା ଜଣାପଡ଼ିଛି ।
ସମ୍ପ୍ରତି ପାନ୍ ପାଇଁ ଆବେଦନ କରିବା ସମୟରେ ନାଁ, ଜନ୍ମ ପ୍ରମାଣପତ୍ର ଏବଂ ଯେକୌଣସି ଏକ ପ୍ରମାଣପତ୍ର ଦରକାର ହେଉଛି । ଏବେ ଆଧାରକୁ ବାଧ୍ୟତାମୂଳକ କରାଯିବ । ପୁରୁଣା ପାନ୍ କାର୍ଡଧାରୀଙ୍କୁ ନିଜ ନିଜ ପାନ୍ କାର୍ଡକୁ ଆଧାର ସହ ସଂଯୋଗ କରିବାକୁ ନିର୍ଦ୍ଦେଶ ଦିଆଯାଇଛି ।
ଏଥିପାଇଁ ଅନ୍ତିମ ଡେଡ୍ଲାଇନ୍ ରହିଛି ୨୦୨୫ ଡିସେମ୍ବର ୩୧ । ଆଧାର ସହ ଲିଙ୍କ୍ ହୋଇ ନ ଥିବା ପାନ୍ କାର୍ଡ ଆସନ୍ତା ବର୍ଷରୁ ଅଚଳ ହୋଇଯିବ । ୨୦୨୪ ମାର୍ଚ୍ଚ ସୁଦ୍ଧା ଭାରତରେ ୭୪ କୋଟିରୁ ଅଧିକ ପାନ୍ କାର୍ଡଧାରୀ ଥିଲେ । ଏଥିମଧ୍ୟରୁ ୬୦.୫ କୋଟି କାର୍ଡ ଆଧାର ସଂଯୋଗ ହୋଇଛି।
