ପ୍ରମୂଖ ଖବର
  • ବାଟବାଟୀ ବ୍ୟାଟଲ ; ଟସ୍ ଜିତି ଇଂଲଣ୍ଡର ବ୍ୟାଟିଂ ନିଷ୍ପତ୍ତି, ବୋଲିଂ କରିବ ଭାରତ, ଫେରିଲେ କୋହଲି
  • ||
  • ଯାଜପୁର : ଶୋଇଥିବା ବେଳେ ଷ୍ଟୁଡିଓ ମାଲିକଙ୍କୁ ନିର୍ମମ ହତ୍ୟା, ପୋଲିସର ତଦନ୍ତ ଆରମ୍ଭ
  • ||
  • ଛତିଶଗଡ଼ ବିଜାପରୁରେ ଏନ୍‌କାଉଣ୍ଟ, ଯବାନଙ୍କ ଗୁଳିରେ ଟଳିଲେ ୧୨ ମାଓବାଦୀ
  • ||
  • ନକଲି ଗୁଟଖା ଫ୍ୟାକ୍ଟ୍ରିରେ ଦିଲ୍ଲୀ, ଆନ୍ଧ୍ର ଜିଏସ୍‌ଟି ଟିମ୍‌ର ଚଢ଼ାଉ, ବିଭିନ୍ନ ସାମଗ୍ରୀ ଜବତ
  • ||
  • ଜଗତସିଂହପୁର ପିଏନ୍‌ବି ବ୍ୟାଙ୍କରେ ଅଗ୍ନିକାଣ୍ଡ, ନିଆଁ ଆୟତ୍ତ କରିବାକୁ ଉଦ୍ୟମ ଜାରି
  • ||
  • ହେଲିକପ୍ଟର ଯୋଗେ କଟକ ଯିବେ ମୁଖ୍ୟମନ୍ତ୍ରୀ, ବାରବାଟୀରେ ଭାରତ- ଇଂଲଣ୍ଡ ଲଢ଼େଇ ଦେଖିବେ
  • ||
  • ବାରବାଟୀ ଲଢ଼େଇ: ସୁପର ସନ୍‌ଡେ'ରେ ଭାରତ-ଇଂଲଣ୍ଡ ଦ୍ୱିତୀୟ ଦିନିକିଆ, ଟିମ୍‌କୁ ଫେରିବେ କୋହଲି, ରିଷଭ
  • ||
  • ରବିବାରଠୁ ଉପରମୁହାଁ ହେବ ପାରଦ,୨ରୁ ୪ ଡିଗ୍ରୀ ବଢ଼ିବ ରାତି ତାପମାତ୍ରା
  • ||

APP ବିଧାୟକ ଦିନେଶ ମହୋନିଆଙ୍କ ନାଁରେ ମାମଲା, ମହିଳାଙ୍କୁ ଫ୍ଲାଇଙ୍ଗ କିସ୍ ଦେଇଥିବା ଅଭିଯୋଗ

Published By : Ankita S | February 5, 2025 8:47 AM

ନୂଆଦିଲ୍ଲୀ,୦୫/ ୦୨: ଦିଲ୍ଲୀରେ ବିଧାନସଭା ନିର୍ବାଚନ ନେଇ ଭୋଟିଂ ଜାରି ରହିଛି । ଏହାରି ଭିତରେ ଅଡୁଆରେ ପଡିଛି ଶାସକ ଦଳ ଆମ୍ ଆଦମୀ ପାର୍ଟି । ଆପର ଦୁଇ ବିଧାୟକଙ୍କ ନାମରେ ଅଲଗା ଅଲଗା ଅଭିଯୋଗରେ ମାମଲା ରୁଜ୍ଜୁ ହୋଇଛି । ନିର୍ବାଚନୀ ରାଲିରେ ଜଣେ ମହିଳାଙ୍କୁ ଫ୍ଲାଇଙ୍ଗ କିସ୍ ଦେବା ଅଭିଯୋଗରେ ବିଧାୟକ ଦିନେଶ ମହୋନିଆଙ୍କ ନାମରେ ମାମଲା ରୁଜ୍ଜୁ ହୋଇଛି । ସେହିପରି ନିର୍ବାଚନ ଆଚରଣ ବିଧି ଉଲ୍ଲଘଂନ ଅଭିଯୋଗରେ ବିଧାୟକ ଅମାନାତୁଲ୍ଲା ଖାନଙ୍କ ନାମରେ ମାମଲା ଦାୟର ହୋଇଛି । ଭୋଟିଂ ଚାଲିଥିବା ସମୟରେ ଦୁଇ ବିଧାୟକଙ୍କ ନାମରେ ମାମଲା ରୁଜ୍ଜୁ ହେବା ଆପ୍ ପାଇଁ ବିପଦ ସୃଷ୍ଟି କରିପାରେ ବୋଲି ଚର୍ଚ୍ଚା ହେଉଛି ।

୭୦ ବିଧାନସଭା ଆସନରେ ଗୋଟିଏ ପର୍ଯ୍ୟାୟରେ ଭୋଟ୍ ଦେଉଛି ଦିଲ୍ଲୀ । ନିର୍ବାଚନ ଚାଲିଥିବା ଭିତରେ ଆପ୍ ର ଦୁଇ ବିଧାୟକ ଅଡୁଆରେ ପଡିଛନ୍ତି । ଜଣେ ମହିଳା ସନଗାମ ପୋଲିସ ଷ୍ଟେସନରେ ବିଧାୟକ ଦିନେଶ ମହୋନିଆଙ୍କ ନାମରେ ଅଭିଯୋଗ ଆଣିବା ପରେ ମାମଲା ଦାୟର ହୋଇଛି  । ନିର୍ବାଚନୀ ରାଲିରେ ବିଧାୟକ ତାଙ୍କୁ ଫ୍ଲାଇଙ୍ଗ କିସ୍ ଦେଇଥିବା ଅଭିଯୋଗ କରିଥିଲେ ମହିଳା । ଦିଲ୍ଲୀ ପୋଲିସ ଅଭିଯୋଗ ଆଧାରରେ ଧାରା ୩୨୩/୩୪୧/୫୦୯ରେ ମାମଲା ରୁଜ୍ଜୁ ହୋଇଛି । ଅନ୍ୟପଟେ ବିଧାୟକ ଅମାନାତୁଲ୍ଲା ଖାନଙ୍କ ନାମରେ ନିର୍ବାଚନ ଆଚରଣ ବିଧି ଉଲ୍ଲଘଂନ ଅଭିଯୋଗ ହୋଇଛି । ଜାମନଗର ପୋଲିସ ଷ୍ଟେସନରେ ୯୫/୯୫ ୟୁ/ଏସ ୨୨୩/୩/୫ ବିଏନଏସ ଏବଂ ୧୨୬ ଆରପି ଆକ୍ଟ ଅଧୀନରେ ମାମଲା ରୁଜ୍ଜୁ ହୋଇଛି । ନିର୍ବାଚନୀ ସମୟ ସରିବା ପରେ ବି ଅମାନାତୁଲ୍ଲା ଖାନ ପ୍ରଚାର କରିଥିବା ଅଭିଯୋଗ ହୋଇଛି ।

ଏହା ବି ପଢନ୍ତୁ...Delhi Assembly Election: ଦିଲ୍ଲୀ ମୁଖ୍ୟମନ୍ତ୍ରୀ କାର୍ଯ୍ୟାଳୟରେ କାମ କରୁଥିବା କର୍ମଚାରୀଙ୍କ ପାଖରୁ ମିଳିଲା ଲକ୍ଷ ଲକ୍ଷ ଟଙ୍କା; ବିବାଦରେ ଛନ୍ଦି ହେଲେ ଆତିଶି

ଦିଲ୍ଲୀ ନିର୍ବାଚନ ମଇଦାନରେ ମୋଟ୍ ୬୯୯ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ଚାଲିଛି । ଆସୋସିଏସନ ଡେମୋକ୍ରାଟିକ୍ ରିଫର୍ମସ (ଏଡିଆର୍) ରିପୋର୍ଟ ଅନୁସାରେ,୧୩୨ ଜଣଙ୍କ ନାମରେ ଅପରାଧିକ ମାମଲା ରହିଛି । ୮୧ଜଣଙ୍କ ବିରୋଧରେ ହତ୍ୟା, ଅପହରଣ ଭଳି ସଙ୍ଗୀନ ମାମଲା ରଜ୍ଜୁ ହୋଇଛି । ୧୩ଜଣ ପ୍ରାର୍ଥୀଙ୍କ ନାମରେ ମହିଳା ବିରୋଧୀ ଅପରାଧିକ ମାମଲା ରହିଛି । ୫ ପ୍ରାର୍ଥୀଙ୍କ ନାମରେ ୧୦୦ କୋଟିରୁ ଅଧିକ ସମ୍ପତ୍ତି ରହିଛି । ସେମାନଙ୍କ ମଧ୍ୟରେ ବିଜେପିର ୩, କଂଗ୍ରେସର ୧ ଓ ଆପର ଜଣେ ପ୍ରାର୍ଥୀ ରହିଛନ୍ତି ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.