ଖୋର୍ଦ୍ଧା,୧୬/୫(ଆପ୍ର): ଗୁରୁବାର ଦିନ ଶିଳ୍ପାଞ୍ଚଳ ପୁଲିସ ଦାଦାବଟି ମାଗିବା ଅଭିଯୋଗରେ ଉକ୍ତ ଥାନା ଅନ୍ତର୍ଗତ ମୁକୁନ୍ଦପ୍ରସାଦ ଜେନାସାହିର ସୁଶାନ୍ତ ବେହେରା(୨୯)ଙ୍କୁ ଗିରଫ କରିଛି, ତା ନିକଟରୁ ନଗଦ ୭ ଶହ ଟଙ୍କା,ସୁନା ମୁଦି, ଛୁରୀ ଓ ଦୁଇ ମୋବାଇଲ ଜବତ କରିଛି ।
ଘଟଣାରୁ ଜଣାପଡ଼ିଛି ଗତକାଲି ସନ୍ଧ୍ୟାରେ ଖୋର୍ଦ୍ଧା ଶିଳ୍ପାଞ୍ଚଳ ସ୍ଥିତ ଏକ ଘରୋଇ କମ୍ପାନୀ ସମୁଖ ବିହାର ରାଜ୍ୟ ନାଳନ୍ଦା ଜିଲ୍ଲାର ସଚିତ୍ର କୁମାର ନାମ ବିଶିଷ୍ଟ ଡ୍ରାଇଭର ତାଙ୍କ ଟ୍ରକ ଉପରେ ବିଶ୍ରାମ ନେଉଥିଲେ। ଏ ସମୟରେ ଅଭିଯୁକ୍ତ ସୁଶାନ୍ତ ତାଙ୍କୁ ପାର୍କିଂ ଫି ନାମରେ ଦାଦାବଟି ମାଗିଥିଲେ । ମନା କରିବାରୁ ଅଭିଯୁକ୍ତ ତାଙ୍କ ବେକରେ ଛୁରୀ ଲଗାଇ ଭୟଭିତ କରାଇ ମୋବାଇଲ ଓ ଟଙ୍କା ନେଇ ଚମ୍ପଟ ମାରିଥିଲା। ଘଟଣା ସମ୍ପର୍କରେ ସଚିତ ଶିଳ୍ପାଞ୍ଚଳ ଥାନାରେ ଅଭିଯୋଗ ପରେ ପୁଲିସ ଏକ ମାମଲା ରୁଜୁ କରି ତଦନ୍ତ କରୁଥିଲା। ଆଜି ସନ୍ଧ୍ୟରେ ଦାଦାବଟି ମାଗିବା ଅଭିଯୋଗରେ ଶିଳ୍ପାଞ୍ଚଳ ପୁଲିସ ସୁଶାନ୍ତଙ୍କୁ ଗିରଫ କରିକୋର୍ଟ ଚାଲାଣ କରିଥିବା ଜଣାପଡ଼ିଛି।
ଅଭିଯୁକ୍ତ ନାମରେ ୩ ଅପରାଧିକ ମାମଲା ଆଦର୍ଶ ଥାନାରେ ରୁଜୁ ହୋଇଥିବା ସବ-ଇନ୍ସପେକ୍ଟର ବାସୁଦେବ ଜୟସିଂହ ସୂଚନା ଦେଇଛନ୍ତି।
