ପାରଳାଖେମୁଣ୍ଡି, ୧୨/୦୯: ବହୁ ଚର୍ଚ୍ଚିତ ପାରଳାଖେମୁଣ୍ଡି ଏସିଏଫ୍ ସୌମ୍ୟରଞ୍ଜନ ମୃତ୍ୟୁ ମାମଲା। ପୂର୍ବତନ ଡିଏଫ୍ଓ ସଂଗ୍ରାମ ବେହେରା ଓ ରୋଷେୟା ମନ୍ମଥ କୁମ୍ଭଙ୍କ ବିରୋଧରେ ଜାମିନ୍ ବିହୀନ ପରୱାନା (ଏନ୍ବିଡବ୍ଲୁ) ଜାରି ହେବା ସତ୍ତେ୍ୱ ଉଭୟ କୋର୍ଟରେ ହାଜର ହେଉନାହାନ୍ତି । ସୌମ୍ୟରଞ୍ଜନଙ୍କ ମୃତ୍ୟୁକୁ ନେଇ ପରିବାର ୱାନ୍ସିସି କେସ୍ କରିଥିଲେ । ଏହି କେସ୍ର ବିଚାର ପାରଳାଖେମୁଣ୍ଡି ଏସ୍ଡିଜେଏମ୍ କୋର୍ଟରେ ଚାଲିଥିବା ବେଳେ ଡିଏଫ୍ଓ ବେହେରା ଓ ରୋଷେୟା କୁମ୍ଭ ହାଜର ହୋଇନଥିଲେ । ଯାହାଫଳରେ ସେମାନଙ୍କ ବିରୋଧରେ ଗତ ଅଗଷ୍ଟ ୧୪ରେ ଏନ୍ବିଡବ୍ଲୁ ଜାରି କରିଥିଲେ କୋର୍ଟ । ପରବର୍ତ୍ତୀ ବିଚାର ପାଇଁ ଆଜି (ଗୁରୁବାର) ଧାର୍ଯ୍ୟ ହୋଇଥିଲା । ଆଜି ବି ଉଭୟ କୋର୍ଟରେ ହାଜର ହୋଇନାହାନ୍ତି ।
ସୂଚନାଯୋଗ୍ୟ, ୨୦୨୧ ଜୁଲାଇ ୧୨ରେ ପାରଳାଖେମୁଣ୍ଡି ସ୍ଥିତ ସରକାରୀ ବାସଭବନରେ ପୋଡ଼ି ହୋଇ ଏସିଏଫ୍ ସୈାମ୍ୟରଞ୍ଜନ ମହାପାତ୍ରଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା । ସୌମ୍ୟଙ୍କୁ ହତ୍ୟା କରାଯାଇଥିବା ନେଇ ଅଭିଯୋଗ ଆଣିଥିଲେ ସୌମ୍ୟଙ୍କ ପରିବାର । ଘଟଣାରେ ସ୍ତ୍ରୀ ବିଦ୍ୟା ଭାରତୀ, ତତ୍କାଳୀନ ଡିଏଫ୍ଓ ସଂଗ୍ରାମ କେଶରୀ ବେହେରା ଓ ରୋଷେୟା ମନ୍ମଥ କୁମ୍ଭଙ୍କ ନାମରେ ମାମଲା ବିଚାରାଧୀନ ରହିଛି।
