ନୂଆଦିଲ୍ଲୀ,୫।୮: ବିହାର ପରେ ଏବେ ପଶ୍ଚିମବଙ୍ଗରେ ମଧ୍ୟ ନିର୍ବାଚନ କମିଶନ୍ ମତଦାନା ସୂଚୀର ସ୍ପେଶାଲ ଇଣ୍ଟେନସିଭ୍ ରିଭିଜନ୍ (ଏସ୍ଆଇଆର) ପକ୍ରିୟା ଆରମ୍ଭ କରିଛି। ନିର୍ବାଚନ କମିଶନ୍ ପଶ୍ଚିମବଙ୍ଗର ମୁଖ୍ୟ ସଚିବଙ୍କୁ ଚିଠି ଲେଖି ଏ ବିଷୟରେ ସୂଚନା ଦେଇଛନ୍ତି। ରାଜ୍ୟର ନିର୍ବାଚନ ଅଧିକାରୀଙ୍କୁ ମତଦାନ ସୂଚୀର ଏସଆଇଆର ପୁନଃନିରୀକ୍ଷଣ କରିବା ପକ୍ରିୟା ଆରମ୍ଭ କରିବାକୁ କୁହାଯାଇଛି। ଉଲ୍ଲେଖନୀୟ ଯେ, ବିହାରରେ ମତଦାତା ସୂଚୀ ପୁନଃ ନିରୀକ୍ଷଣର କାମ ଶେଷ ପର୍ଯ୍ୟାୟରେ ରହିଛି। ଏସଆଇଆର ପକ୍ରିୟା ଅନୁସାରେ, ରାଜ୍ୟରେ ୧ ଅଗଷ୍ଟରୁ ଡ୍ରାଫ୍ଟ ଭୋଟର ଲିଷ୍ଟ ଜାରି କରି ଦିଆଯାଇଛି।
ଏହି ପକ୍ରିୟା ପରେ ବିହାରରେ ପ୍ରାୟ ୬୫ ଲକ୍ଷ ମତାଦାତାଙ୍କ ନାଁ ଭୋଟର ଲିଷ୍ଟରେ ରହିବ। ଏଥିରୁ ଅଧିକାଂଶ ମତଦାତା, ଯେଉଁମାନେ ଏବେ ଏହି ଦୁନିଆରେ ନାହାନ୍ତି। ଏଭଳି ଭୋଟର ରହିଛନ୍ତି, ଯେଉଁମାନେ ସ୍ଥାୟୀ ରୂପରେ କୌଣସି ଅନ୍ୟ ରାଜ୍ୟକୁ ସ୍ଥାନାନ୍ତରିତ ହୋଇସାରିଛନ୍ତି। ଏଭଳି କିଛି ମତଦାତା ମଧ୍ୟ ଅଛନ୍ତି, ଯାହାଙ୍କ ନାଁ ଏକରୁ ଅଧିକ ନିର୍ବାଚନ କ୍ଷେତ୍ରରେ ଥିଲା। ତେବେ ବିରୋଧି ନିର୍ବାଚନ କମିଶନ୍ ଦ୍ବାରା ମତାଦାତ ସୂଚୀର ଏସଆଇଆରକୁ ବିରୋଧ କରୁଛି। ଏହାକୁ ବିଜେପିର ଇଶାରାରେ ଭୋଟ ଚୋରି ବୋଲି ଘୋଷଣା କରାଯାଇଛି।
ବିହାରରେ ଏସଆଇଆରର ପ୍ରଥମ ପର୍ଯ୍ୟାୟ ଶେଷ ହୋଇସାରିଛି। କିନ୍ତୁ ଏହି ସମୟରେ ରାଜନୈତକ ଦଳ ପକ୍ଷରୁ କରାଯାଇଥିବା ଆପତ୍ତି କିମ୍ବା ପରାମର୍ଶ ଦେଖିବାକୁ ମିଳିନି। ଅନ୍ୟପକ୍ଷେ ସାଧାରଣ ଭୋଟର ମତଦାତା ସୂଚୀକୁ ସଂଶୋଧିତ କରିବାରେ ସକ୍ରିୟତା ଦେଖାଯାଇଛି ଓ ୧୯୨୭ ମାମଲା ନିର୍ବାଚନ କମିଶନ୍ଙ୍କ ନିକଟରେ ଦାଖଲ କରିଛି। ଏହି ମାମଲା ଯୋଗ୍ୟ ମତଦାତାଙ୍କ ସୂଚିରେ ସାମିଲ କରିବା ଓ ଅଯୋଗ୍ୟ ମତଦାତାଙ୍କୁ ହଟାଇବା ସମ୍ପର୍କିତ ରହିଛି। ସେଭଳି ୧୦,୯୭୭ ଆବେଦନ ଫର୍ମ-୬ ଅନୁସାରେ, ନୂଆ ଭୋଟର ଜୋଡିବା, ହଟାଇବା ଓ ଅନ୍ୟ ଘୋଷଣା ପତ୍ର ସହ ଜଡିତ।
