ନୂଆଦିଲ୍ଲୀ,୬।୧: ନାଗାଲାଣ୍ଡର ଏନସିପି ଅଜିତ ପାୱାର ଗୋଷ୍ଠୀର ସମସ୍ତ ସାତ ଜଣ ବିଧାୟକ ଶନିବାର ଦଳ ପରିବର୍ତ୍ତନ କରି ଶାସକ ଏନଡିପିପିରେ ଯୋଗ ଦେଇଛନ୍ତି। ଏବେ ଏ ସମ୍ପର୍କରେ ଅଜିତ ପାୱାରଙ୍କ ବୟାନ ଆସିଛି। ସେ କହିଛନ୍ତି ବିଧାୟକମାନେ ମୋତେ କହିଥିଲେ ଯେ ସେମାନଙ୍କର କାମ ହେଉନାହିଁ। କିଛି ସମୟ ପୂର୍ବରୁ ସେମାନେ ନିଜେ ଦେବଗିରି ବଙ୍ଗଳାରେ ମୋତେ ଭେଟିବାକୁ ଆସିଥିଲେ ଏବଂ ସେମାନଙ୍କର ଅଭିଯୋଗ ପ୍ରକାଶ କରିଥିଲେ। ସେମାନେ ଅଭିଯୋଗ କରିଥିଲେ ଯେ ସେମାନଙ୍କର କୌଣସି କାମ ହେଉନାହିଁ।‘
ଏନ୍ଡିପି ଦ୍ବାରା ଏନ୍ସିପିରେ ଏଭଳି ଫାଟକୁ ନେଇ ଅଜିତ ପାଓ୍ବାର ଖୁବ୍ ଅସନ୍ତୁଷ୍ଟ ବ୍ୟକ୍ତ କରିଛନ୍ତି। ସେ କହିଛନ୍ତି, ଏନ୍ଡିପି ତାଙ୍କ ଦଳରେ ପୋଚିଂ କରି ମେଣ୍ଟ ଧର୍ମର ଉଲଂଘନ କରିଛି। ଏନ୍ଡିଏର ଆଗାମୀ ବୈଠକରେ ଅଜିତ ପାଓ୍ବାର ଏହି ପ୍ରସଙ୍ଗ ଉଠାଇବେ।
ଉଲ୍ଲେଖନୀୟ ଯେ, ସାତ ଜଣ ଏନସିପି ବିଧାୟକ ଏନଡିପିପିରେ ଯୋଗଦେବା ପରେ, ମୁଖ୍ୟମନ୍ତ୍ରୀ ନେଫିଉ ରିଓଙ୍କ ନେତୃତ୍ୱାଧୀନ ଏନଡିପିପି ୬୦ ସଦସ୍ୟ ବିଶିଷ୍ଟ ବିଧାନସଭାରେ ପୂର୍ଣ୍ଣ ବହୁମତ ପାଇଛି। ଏନସିପି ବିଧାୟକମାନେ ଦଳରେ ଯୋଗଦେବା ପରେ, ନ୍ୟାସନାଲିଷ୍ଟ ଡେମୋକ୍ରାଟିକ୍ ପ୍ରୋଗ୍ରେସିଭ୍ ପାର୍ଟି (ଏନଡିପିପି) ବିଧାୟକଙ୍କ ସଂଖ୍ୟା ୨୫ ରୁ ୩୨ କୁ ବୃଦ୍ଧି ପାଇଛି।
