ମୁମ୍ବାଇ,୧୭/୧୧;ସାଉଥ ଅଭିନେତା ଧନୁଷଙ୍କ ଉପରେ ବର୍ଷିଛନ୍ତି ଅଭିନେତ୍ରୀ ନୟନତାରା । ଡକ୍ୟୁମେଣ୍ଟାରୀ ‘ନୟନତାରା: ବିୟଣ୍ଡ ଦ ଫେୟରୀ ଟେଲ୍’ବିବାଦକୁ ନେଇ ବର୍ଷିଛନ୍ତି ଅଭିନେତ୍ରୀ । ଏଥିରେ ପ୍ରଦର୍ଶିତ ୩ ସେକେଣ୍ଡ୍ର ଦୃଶ୍ୟ ବିରୋଧରେ ଧନୁଷ ଅଭିଯୋଗ ଆଣିଥିଲେ । ଏଥିସହ ତାଙ୍କୁ ୧୦ କୋଟି ଟଙ୍କାର ଲିଗାଲ ନୋଟିସ୍ ମଧ୍ୟ ପଠାଇଥିଲେ ଧନୁଷ । ଯାହାର ପ୍ରତିଉତ୍ତରରେ ଅଭିନେତ୍ରୀ ସୋସିଆଲ ମିଡିଆରେ ଏକ ଖୋଲା ଚିଠି ଲେଖିଛନ୍ତି ।
ଯେଉଁଥିରେ ସେ ଲେଖିଛନ୍ତି ଯେ, ଆପଣ ନିଜର ପରିବାର ପାଇଁ ଅଭିନେତା ହୋଇଛନ୍ତି । କିନ୍ତୁ ମୁଁ ମୋ ପରିଶ୍ରମରେ ହୋଇଛି। ମୋର କେହି ଗଡ୍ଫାଦର ନାହାଁନ୍ତି । ମୋ ଫ୍ୟାନ୍ ମୋର ଡକ୍ୟୁମେଣ୍ଟାରୀକୁ ଅପେକ୍ଷା କରିଛନ୍ତି । କିନ୍ତୁ ଆପଣଙ୍କ ମନୋଭାବ ଆମ କାମ ଉପରେ ବଡ଼ ପ୍ରଭାବ ପକାଇଛି । ଏହାର କ୍ଷତି ଆପଣଙ୍କୁ ମଧ୍ୟ ଭରଣା କରିବାକୁ ପଡ଼ିବ । ଆପଣ ଯେଉଁ ୩ ସେକେଣ୍ଡ୍ର ଦୃଶ୍ୟ ପାଇଁ ୧୦ କୋଟି ଟଙ୍କାର ଲିଗାଲ ନୋଟିସ୍ ପଠାଇଛନ୍ତି, ତା’ର ନିଷ୍ପତ୍ତି ଏଥର କୋର୍ଟରେ ହେବ। ଆପଣଙ୍କ ନୋଟିସ୍ର ଜବାବ ଆଇନ ମାଧ୍ୟମରେ ଦିଆଯିବ। ପ୍ରକାଶ ଥାଉକି, ଡକ୍ୟୁମେଣ୍ଟାରୀ ‘ନୟନତାରା: ବିୟଣ୍ଡ ଦ ଫେୟରୀ ଟେଲ୍’ ପାଇଁ ଧନୁଷଙ୍କଠୁ ତାଙ୍କର ଫିଲ୍ମ ‘ନାନୁମ ରାଉଡ଼ି ଧାନ’ର ଗୀତ ଓ ଭିଜୁଆଲ୍ ବ୍ୟବହାର ଲାଗି ଅନୁମତି ମାଗିଥିଲେ ନୟନତାରା । ହେଲେ ଅଭିନେତା ଧନୁଷ ତାଙ୍କୁ ଅନୁମତି ଦେଇନଥିବା ବେଳେ ଡକ୍ୟୁମେଣ୍ଟାରୀର ଟ୍ରେଲ୍ର ଦେଖି ୩ ସେକେଣ୍ଡ୍ର ଭିଜୁଆଲ ଚୋରି ଅଭିଯୋଗରେ ସେ ନୟନତାରାଙ୍କୁ ୧୦ କୋଟି ଟଙ୍କାର ଲିଗାଲ ନୋଟିସ୍ ପଠାଇଛନ୍ତି ।
