କଟକ, ୧୯/୦୭ : ଚତୁର୍ଥ ଶ୍ରେଣୀ ଛାତ୍ରୀଙ୍କୁ ଧକ୍କା ଦେଲା ଆମ ବସ୍। ଭାଗ୍ୟ ଟାଣ ଯୋଗୁଁ ଅଳ୍ପକେ ବର୍ତ୍ତିଗଲେ ନାବାଳିକା। କଟକ ରିଙ୍ଗ ବନ୍ଧ ବିଡ଼ାନାସୀ ପାଖରେ ଏହି ଦୁର୍ଘଟଣା ଘଟିଛି। ସ୍ଥାନୀୟ ଲୋକେ ଛାତ୍ରୀଙ୍କୁ ଉଦ୍ଧାର କରିଛନ୍ତି। ଘଟଣାକୁ ନେଇ ଉତ୍ତେଜନା ପ୍ରକାଶ ପାଇଛି।
ସୂଚନାନୁଯାୟୀ, କଟକ ରିଙ୍ଗ ବନ୍ଧ ବିଡ଼ାନାସୀ ପାଖରେ ଜଣେ ଚତୁର୍ଥ ଶ୍ରେଣୀ ଛାତ୍ରୀଙ୍କୁ ଆମ ବସ୍ ଧକ୍କା ଦେଇଥିଲା। ଫଳରେ ଛାତ୍ରୀ ଜଣଙ୍କ ଦୂରକୁ ଛିଟିକି ପଡିଥିଲେ। ମାତ୍ର ସାଇକେଲ ଓ ସ୍କୁଲ ବ୍ୟାଗ୍ ଉପରେ ବସ୍ ଚଢି ଯାଇଥିଲା। ଛାତ୍ରୀ ଜଣଙ୍କ ଅଳ୍ପକେ ବର୍ତ୍ତି ଯାଇଥିଲେ। ସ୍ଥାନୀୟ ଲୋକେ ଛାତ୍ରୀଙ୍କୁ ଉଦ୍ଧାର କରିଥିଲେ। ପରେ ବିଡ଼ାନାସୀ ପୁଲିସ ପହଞ୍ଚି ଛାତ୍ରୀଙ୍କୁ ଥାନାକୁ ନେଇଥିଲା। ଥାନାରେ ଘଣ୍ଟାଏ କାଳ ବସାଇବା ପରେ ଛାତ୍ରୀଙ୍କ ମା' ଆସିବାରୁ ତାଙ୍କ ହେପାଜତରେ ଛାଡ଼ିଥିଲା। ଆହତକୁ ମେଡିକାଲ ନେବା ପରିବର୍ତ୍ତେ ପୁଲିସ ନାବାଳିକାଙ୍କୁ ଥାନାକୁ ନେବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଯାହାକୁ ନେଇ ଅସନ୍ତୋଷ ଦେଖାଦେଇଛି। ସେପଟେ ବସ୍କୁ ପୁଲିସ ଛାଡ଼ି ଦେଇଥିବା ଅଭିଯୋଗ ହୋଇଛି।
