ନୂଆଦିଲ୍ଲୀ,୨୮।୪: ୟେମେନ୍ର ହୁତି ବିଦ୍ରୋହୀ ପ୍ରବାସୀ ଆଫ୍ରିକୀୟ କଏଦୀଙ୍କ ଜେଲ୍ ଉପରେ ଆମେରିକାର ଏୟାରଷ୍ଟ୍ରାଇକ୍। ଏଥିରେ ୬୮ ଜଣଙ୍କର ମୃତ୍ୟୁ ହୋଇଥିବା ନେଇ ଜଣାପଡିଛ।ଏହା ପୂର୍ବରୁ ଏହି ଆକ୍ରମଣରେ ଅତି କମ୍ରେ ୩୦ ଜଣଙ୍କର ମୃତ୍ୟୁ ହୋଇଥିବା ନେଇ ଦାବି କରାଯାଇଥିଲା। କିନ୍ତୁ ମୃତକଙ୍କ ସଂଖ୍ୟାକୁ ପରେ ବଢାଇ ଦିଆଯାଇଥିଲା। ବିଦ୍ରୋହୀଙ୍କୁ ନାଗରିକ ସୁରକ୍ଷା ସଂଗଠନଠାରୁ ଅଲଗା କରାଯାଇଥିଲା। ଆକ୍ରମଣରେ ଅନ୍ୟ ୪୭ ଜଣ ଆହତ ହୋଇଥିଲେ।
ସେ କହିଛନ୍ତି, ଏହି ସ୍ଥାନରେ ୧୧୫ କଏଦୀ ବନ୍ଦ ଥିଲେ। ଆମେରିକା ସେନା ହୁତି ବିଦ୍ରୋହୀଙ୍କ ଏହି ଅଭିଯୋଗ ବିଷୟରେ ପଚରାଯାଇଥିବା ପ୍ରଶ୍ନର ତୁରନ୍ତ ଉତ୍ତର ଦେଇ ନାହାନ୍ତି। ହୁତି ବିଦ୍ରୋହୀଙ୍କ ‘ଅଲ୍-ମସିରା’ ଉପଗ୍ରହ ସମାଚାର ଚ୍ୟାନେଲ ଦ୍ବାରା ପ୍ରସାରିତ ଗ୍ରାଫିକ୍ ଫୁଟେଜ୍ରେ କଥିତ ରୂପରେ ମୃକଙ୍କ ଶବ ଓ ଆହତଙ୍କୁ ପଡିଥିବାର ଦେଖିବାକୁ ମିଳିଛି।
ଆମେରିକା ସେନାର ସେଣ୍ଟ୍ରାଲ କମାଣ୍ଡର ରାତିରେ ଜାରି କରିଥିବା ବୟାନରେ କହିଛନ୍ତି, ତାଙ୍କ ‘ଅପରେସନ୍ ରଫରାଇଡର’ ଅଭିଯାନ ଅନୁସାରେ, ଶତାଧିକ ହୁତି ଯୋଦ୍ଧା ଓ ତାଙ୍କର ବହୁ ନେତାଙ୍କୁ ମାରିବାରେ ସଫଳ ହୋଇଥିଲେ। ତାଙ୍କ ଭିତରେ ସେହି ଲୋକ ରହିଛନ୍ତି, ଯେଉଁମାନେ ହୁତିଙ୍କ ମିସାଇଲ ଓ ଡ୍ରୋନ୍ କାର୍ଯ୍ୟକ୍ରମରେ ଥିଲେ। ତେବେ ସେନା କୌଣସି ନେତାଙ୍କ ନାଁ ନେଇନି। ଆମେରିକା କହିଛି ଯେ, ସେ ନିଜର ଏୟାରଷ୍ଟ୍ରାଇକ୍ ଜାରି ରଖିବ। ଏହି ହମଲା ୧୫ ମାର୍ଚ୍ଚରୁ ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପଙ୍କ ନେତୃତ୍ବରେ ଆରମ୍ଭ ହୋଇଥିଲା।
