ୱାଶିଂଟନ / କିଭ୍ : ରୁଷ୍ ଓ ୟୁକ୍ରେନ୍ ମଧ୍ୟରେ ଅନେକ ଦିନରୁ ଯୁଦ୍ଧ ଜାରି ରହିଛି। ଏହି ମଧ୍ୟରେ ଆମେରିକା , ୟୁକ୍ରେନକୁ ୩୧ କୋଟି ୫ ଲକ୍ଷ ଡଲାରର ଏଫ୍-୧୬ ବିମାନର ପ୍ରଶିକ୍ଷଣ, ରକ୍ଷଣାବେକ୍ଷଣ ଓ ସମ୍ୱନ୍ଧିତ ଉପକରଣର ବିକ୍ରିକୁ ଅନୁମୋଦନ ଦେଇଛି। ପେଣ୍ଟାଗନର ପ୍ରତିରକ୍ଷା ସୁରକ୍ଷା ସହଯୋଗ ଏଜେନ୍ସି (ଡିଏସସିଏ) ଶୁକ୍ରବାର ଏଠାରେ ଏହାର ଘୋଷଣା କରି କହିଛି ଯେ, ଆମେରିକୀୟ କଂଗ୍ରେସକୁ ପଠାଯାଇ ଥିବା ଅଧି ସୂଚନାରେ ବିଦେଶ ବିଭାଗ ଏହି ସୂଚନା ଦେଇଛି। ବିକ୍ରୟର ଏହି ପ୍ୟାକେଜ୍ରେ ବିମାନ ଉନ୍ନୟନ , କାର୍ମୀକ ପ୍ରଶିକ୍ଷଣ , ରକ୍ଷଣାବେକ୍ଷଣ ସହାୟତା , ସ୍ପେୟର ପାର୍ଟ୍ସ ଓ ଗ୍ରାଉଣ୍ଡ ହ୍ୟାଣ୍ଡଲିଂ ଗିୟର ସାମିଲ ଅଛି। ଏଥିରେ ବର୍ଗୀକୃତ ଓ ଅବର୍ଗୀକୃତ ସଫ୍ଟୱେୟାର , ଟେକ୍ନିକାଲ ମାନୁଆଲ୍ସ , ଅଧ୍ୟୟନ , ଇଞ୍ଜିନିୟରିଂ , ଲଜିଷ୍ଟିକ୍ ଆଣ୍ଡ୍ ଟେକ୍ନିକାଲ ଆସିଷ୍ଟାଣ୍ଟ ପାଇଁ ଆମେରିକୀର ସରକାର ଓ ଠିକାଦାରଙ୍କ ସାହାଯ୍ୟ ବି ସାମିଲ ଅଛି।
ଡିଏସସିଏ ସମ୍ୱାଦ ସମିତି ସ୍ପୁଟନିକ ମୁତାବିକ୍, ଏକ ପ୍ରେସ୍ ବିଜ୍ଞପ୍ତିରେ କହିଛି, ବିଦେଶ ବିଭାଗ ୟୁକ୍ରେନ୍କୁ ଏଫ୍-୧୬ ବିମାନର ପ୍ରଶିକ୍ଷଣ ଓ ରକ୍ଷଣାବେକ୍ଷଣ ଏବଂ ସମ୍ୱନ୍ଧିତ ଉପକରଣର ସମ୍ଭାବିତ ବିଦେଶୀ ସେନା ଉପକରଣର ବିକ୍ରିକୁ ମଞ୍ଜୁରୀ ଦେବାର ନିଷ୍ପତ୍ତି ନେଇଛି, ଯାହାର ଆନୁମାନିକ ମୂଲ୍ୟ ୩୧ କୋଟି ପାଞ୍ଚ ଲକ୍ଷ ଡଲାର। ଅନଲାଇନ୍ ପତ୍ରିକା ‘ୱାର ଜୋନ୍’ ଗୁରୁବାର କହିଛି ଯେ, ଆମେରିକା ବିମାନର ସଂରକ୍ଷଣରୁ ହଟାଯାଇ ଥିବା ଏଫ୍-୧୬ ଫାଇଟର ଜେଟ୍ ୟୁକ୍ରେନକୁ ପଠାଯାଉଛି, ଯେଉଁଠି ଏହାର ବ୍ୟବହାର ୟୁରୋପ ଦ୍ୱାରା ସପ୍ଲାଇ କରାଯାଉ ଥିବା ଜେଟ୍ ବିମାନ ପାଇଁ ସ୍ପେୟାର ପାର୍ଟ୍ସ ଭାବେ କରାଯିବ।
ୱାର ଜୋନ୍ ଅନୁସାରେ, ପ୍ୟାକେଜ୍ ବିଷୟରେ ଆମେରକୀର ବିଦେଶ ବିଭାଗ କହିଛି , ଏହି ପ୍ରସ୍ତାବିତ ବିକ୍ରି ୟୁରୋପରେ ରାଜନୀତିକ ସ୍ଥିରତା ଓ ଆର୍ଥିକ ପ୍ରଗତି ପାଇଁ ଏକ ଶକ୍ତି , ଯାହା ଏକ ପାର୍ଟନର ଦେଶର ସୁରକ୍ଷାରେ ସୁଧାର କରି ଆମେରିକାର ବିଦେଶ ନୀତିର ଲକ୍ଷ୍ୟ ଓ ରାଷ୍ଟ୍ରୀୟ ସୁରକ୍ଷା ଉଦ୍ଦେଶ୍ୟର ସମର୍ଥନ କରିବ। ଏଥିରେ କୁହାଯାଇଛି ଯେ, ପ୍ରସ୍ତାବିତ ବିକ୍ରୟ ୟୁକ୍ରେନର କ୍ଷମତାରେ ସୁଧାର ଆଣିବ , ଏହା ସୁନିଶ୍ଚିତ କରାଯାଇ ପାରିବ ଯେ , ଏହାର ପାଇଲଟ ପ୍ରଭାବୀ ରୂପେ ପ୍ରଶିକ୍ଷିତ ହେବେ ଏବଂ ଆମେରିକାର ବାୟୁ ସେନା ସହ ବ୍ୟାପକ ପ୍ରଶିକ୍ଷଣ ମାଧ୍ୟମରେ ଏହାର ଅନ୍ତଃକାର୍ଯ୍ୟଦକ୍ଷତା କ୍ଷମତା ବୃଦ୍ଧି କରିବେ। ୟୁକ୍ରେନକୁ ଏହି ଜିନିଷ ଓ ସେବା ଗୁଡ଼ିକୁ ନିଜର ସଶସ୍ତ୍ର ବାହିନୀରେ ସାମିଲ କରିବାରେ କୌଣସି ମୁସ୍କିଲ ହେବ ନାହିଁ।
ବର୍ତ୍ତମାନ ସମୟରେ ୟୁକ୍ରେନୀ ବାୟୁ ସେନାକୁ ୮୫ ଏଫ୍-୧୬ ବିମାନ ଗୁଡ଼ିକର ପରିଚାଳତ ବ୍ୟାଚ୍ ଦେବାର ପ୍ରତିଶ୍ରୁତି ଦିଆଯାଇଛି, ଯେଉଁଥିରେ ନେଦରଲ୍ୟାଣ୍ଡରୁ ୨୪ , ଡେନମାର୍କରୁ ୧୯ ଓ ନରୱେରୁ ୧୨ ସାମିଲ ଅଛି , ବେଲଜିୟମର କହିବା ହେଲା କି, ସେ ୩୦ଟି ବିମାନର ସପ୍ଲାଇ କରିବ। ୟୁକ୍ରେନୀ ପାଇଲଟଙ୍କୁ ପ୍ରଶିକ୍ଷଣ ମୁଖ୍ୟ ଭାବେ ରୋମାନିଆରେ ଥିବା ୟୁରୋପୀୟ ଏଫ୍-୧୬ ପ୍ରଶିକ୍ଷଣ କେନ୍ଦ୍ରରେ ଦିଆଯିବ।
