ମୁମ୍ବାଇ,୨୨/୧୧: ଦୀର୍ଘ ଦିନ ହେବ ବଲିଉଡର ଜଣେ ଚର୍ଚ୍ଚିତ ଷ୍ଟାର ଯୋଡିଙ୍କ ଛାଡପତ୍ର ଗୁଜବକୁ ନେଇ ଖୁବ ଚର୍ଚ୍ଚା ହେଉଛି । ବଲିଉଡର ମେଗା ଷ୍ଟାର ଅମିତାଭ ବଚ୍ଚନଙ୍କ ପୁଅ ଅଭିଷେକ ବଚ୍ଚନ ଓ ବୋହୂ ଐଶ୍ୱର୍ଯ୍ୟାଙ୍କ ଛାଡପତ୍ର ହେବାକୁ ଯାଉଥିବା ନେଇ ଖବର ଆସୁଛି । ଅନେକ ସମୟରେ ଫ୍ୟାମିଲ ସହିତ ଐଶ୍ୱର୍ଯ୍ୟାଙ୍କୁ ଦେଖିବାକୁ ନମିଳିବା, ଝିଅ ସହିତ ଅନ୍ୟତ୍ର ଦେଖିବାକୁ ମିଳିବା ଏହି ଗୁଜବକୁ ଖୋରାକ ଦେଇଥିଲା । ସତରେ କଣ ଏହି ଷ୍ଟାର ଦମ୍ପତିଙ୍କର ଡିଭୋର୍ସ ହୋଇଯିବ ଏହି ପରି ଅନେକ ପ୍ରଶ୍ନ ଫ୍ୟାନ୍ସଙ୍କ ମନରେ ପ୍ରଶ୍ନ ଉଠିଛି । ଏହି ଗୁଜବ ଭିତରେ ଅମିତାଭ ବଚ୍ଚନଙ୍କ ଏକ ପୋଷ୍ଟ ସାମ୍ନାକୁ ଆସିଛି । ଯାହା ପରୋକ୍ଷ ଭାବେ ସତ କଣ ଦର୍ଶାଉଛି । ତେବେ ଜାଣନ୍ତୁ ସମ୍ପୂର୍ଣ୍ଣ ରିପୋର୍ଟ ।
ମେଗା ଷ୍ଟାର ଅମିତାଭ ବଚ୍ଚନ ତାଙ୍କ ପରିବାର ଓ ପୁଅ ବୋହୂଙ୍କ ଛାଡପତ୍ର ଗୁଜବ ଖବରକୁ ନେଇ ମୁହଁ ଖୋଲିଛନ୍ତି । ବିଗ୍ ବି କାହା ନାମ ନ ନେଇ ନାହାନ୍ତି ମାତ୍ର ତାଙ୍କର ଏକ ପୋଷ୍ଟ ଗୁଜବ ଖବରକୁ ନେଇ ହୋଇଛି । ଅମିତାଭ କହିଛନ୍ତି ଯେ, ସେ ତାଙ୍କ ପରିବାର ବିଷୟରେ ବହୁତ କମ କୁହନ୍ତି । ସେ ଗୋପନୀୟ ରଖିବାକୁ ପସନ୍ଦ କରନ୍ତି । ଅନୁମାନ କରିବା ଓ ସତ ଦୁଇଟି ଅଲଗା କଥା । ପ୍ୟାନ୍ସଙ୍କ ମନରେ ସନ୍ଦେହ ସୃଷ୍ଟି କରିବାକୁ ଚାହେଁନି । ଜୀବନରେ ଅଲଗା ଦେଖାଯିବା ଓ ତାର ଉପସ୍ଥିତି ଉପରେ ବିଶ୍ବାସ କରିବାକୁ ବହୁତ ସାହସ, ଦୃଢ ବିଶ୍ବାସ ଓ ସଚ୍ଚୋଟ ହେବାକୁ ପଡିବ । ଗୁଜବ ସବୁବେଳେ ଗୁଜବ । ବିନା ଯାଞ୍ଚରେ ଗୁଜବ ଓ ମିଥ୍ୟା ପ୍ରାଚର ହେଉଛି ।
ସୋସିଆଲ ମିଡିଆରେ ହେଉଥିବା ଗୁଜବକୁ ନେଇ ବିଗ୍ ବି ଆହୁରି ଲେଖିଛନ୍ତି, ତୁମେ ଯାହା ଚାହୁଁଛ ତାହା ଲେଖ । ଏକ୍ସପ୍ରେସ କର । ମାତ୍ର ପ୍ରଶ୍ନଚିହ୍ନ ଦିଅନାହିଁ । ଏପରି କରିବା ଦ୍ବାରା କେବଳ ସନ୍ଦେହ ସୃଷ୍ଟି ହୁଏନାହିଁ ବରଂ ପାଠକ ଏହା ଉପରେ ବିଶ୍ବାସ କରୁ ତୁମେ ଚାହୁଁଛି । ଦୁନିଆକୁ ମିଛ ଖବର ଦିଅନ୍ତୁ ନାହିଁ ।
