ନୂଆଦିଲ୍ଲୀ, ୪।୭: ସୋସିଆଲ ମିଡିଆରେ ଦେଶ ବିରୁଦ୍ଧରେ ଘୃଣା ପ୍ରସାର କରୁଥିଲେ ସାବଧାନ ! କାରଣ ଏଭଳି ଲୋକଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ନେବାକୁ ଯାଉଛନ୍ତି କେନ୍ଦ୍ର ସରକାର । ସୋସିଆଲ ମିଡିଆରେ ଦେଶ ବିରୋଧୀ ଭିଡିଓ କିମ୍ବା ପୋଷ୍ଟ ସେୟାର କରୁଥିବା ଲୋକମାନେ ଆଉ ଖସି ଯାଇପାରିବେ ନାହିଁ । ସୂଚନା ଅନୁଯାୟୀ, କେନ୍ଦ୍ର ଗୃହ ମନ୍ତ୍ରଣାଳୟ ଏଥିପାଇଁ ଏକ ଜାତୀୟ ନୀତି ଆଣିବାକୁ ଯାଉଛନ୍ତି । ଦେଶ ବିରୋଧୀ କାମ କରୁଥିବା ହ୍ୟାଣ୍ଡେଲଗୁଡ଼ିକୁ ଅବରୋଧ କରାଯିବ ଏବଂ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । କହିରଖୁ କି, ଦେଶ ବିରୋଧରେ ଅନେକ ୱେବସାଇଟ୍ରେ ବିଷୟବସ୍ତୁ ଅପଲୋଡ୍ କରାଯାଏ । ଏଭଳି କରୁଥିବା ଲୋକମାନେ ଏବେ ଆଉ ଆଇନ ହାତରୁ ଖସିପାରିବେନି । ଏମାନଙ୍କ ବିରୁଦ୍ଧରେ ଖୁବ୍ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଗୁଇନ୍ଦା ସଂସ୍ଥାଗୁଡ଼ିକର ଶୀର୍ଷ ଅଧିକାରୀମାନେ ଏ ବିଷୟରେ ଗୃହ ମନ୍ତ୍ରଣାଳୟର ସଂସଦୀୟ କମିଟିକୁ ଅବଗତ କରାଇଛନ୍ତି ।
ତଦାରଖ ପାଇଁ ଗଠନ ହେବ ସ୍ୱତନ୍ତ୍ର ଦଳ:
ସଂସଦୀୟ କମିଟିକୁ ଏହା ମଧ୍ୟ ସୂଚନା ଦିଆଯାଇଥିଲା ଯେ, ସୋସିଆଲ ମିଡିଆରେ ଦେଶ ବିରୋଧୀ ଲୋକଙ୍କ ଉପରେ ନଜର ରଖିବା ପାଇଁ ଏକ ସ୍ୱତନ୍ତ୍ର ଟିମ୍ ଗଠନ କରାଯିବ । ଏପରି ଲୋକଙ୍କୁ ଚିହ୍ନଟ କରାଯିବ ଏବଂ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଖଲିସ୍ତାନ ବିଚ୍ଛିନ୍ନତାବାଦୀ ଆତଙ୍କବାଦୀ ଗୁରପତୱନ୍ତ ସିଂହ ପନ୍ନୁ ସମେତ ଅନେକ ଦେଶ ବିରୋଧୀ ଲୋକ ସୋସିଆଲ ମିଡିଆରେ ସକ୍ରିୟ ଅଛନ୍ତି ଏବଂ ଦେଶ ବିରୁଦ୍ଧରେ ଘୃଣା ପ୍ରସାର କରୁଛନ୍ତି । ନୂତନ ନୀତି ଆସିବା ପରେ, ଏପରି ଲୋକଙ୍କ ଉପରେ ଲଗାମ ଲଗାଯାଇପାରିବ ।
ଏ ସମ୍ପର୍କରେ ଆମେରିକା ସରକାର ଏବଂ ସୋସିଆଲ ମିଡିଆ ପ୍ଲାଟଫର୍ମ ସହିତ ମଧ୍ୟ ଆଲୋଚନା କରାଯାଉଛି । କେନ୍ଦ୍ର ସରକାର ଚାହୁଁଛନ୍ତି ଯେ, ସୋସିଆଲ ମିଡିଆ କମ୍ପାନୀଗୁଡ଼ିକ ନିଜ ନିଜ ପ୍ଲାଟଫର୍ମ ଉପରେ ନଜର ରଖନ୍ତୁ । ସେମାନଙ୍କ ପ୍ଲାଟଫର୍ମରେ ଭାରତ ବିରୋଧୀ କଣ୍ଟେଣ୍ଟଗୁଡ଼ିକ ଅପଲୋଡ୍ ନ ହୁଏ । ସିବିଆଇ, ଏନ୍ଆଇଏ, ରାଜ୍ୟ ପୋଲିସ ଏବଂ ଆଭ୍ୟନ୍ତରୀଣ ସୁରକ୍ଷା ସହିତ ଜଡ଼ିତ ଅନ୍ୟାନ୍ୟ ଏଜେନ୍ସିଗୁଡ଼ିକ ଭାରତ ବିରୋଧୀ ଉପାଦାନଗୁଡ଼ିକର ପ୍ରୟାସକୁ ବନ୍ଦ କରିବା ପାଇଁ ଏକ ରଣନୀତି ଉପରେ କାମ କରୁଛନ୍ତି, ଯାହାକୁ ଖୁବ୍ଶୀଘ୍ର କାର୍ଯ୍ୟକାରୀ କରାଯାଇପାରିବ ।
ପହଲଗାମରେ ଆତଙ୍କବାଦୀ ଆକ୍ରମଣ ଏବଂ ଏହା ପ୍ରତିବାଦରେ ଅପରେସନ ସିନ୍ଦୁର ସମୟରେ ସୋସିଆଲ ମିଡିଆରେ ଅନେକ ଦେଶ ବିରୋଧୀ ପୋଷ୍ଟ ସେୟାର କରାଯାଇଥିଲା । ଦେଶ ବିରୋଧୀ ଲୋକମାନେ ବହୁ ସଂଖ୍ୟାରେ ସୋସିଆଲ ମିଡିଆରେ ସକ୍ରିୟ ଅଛନ୍ତି । ଏବେ ସେମାନଙ୍କୁ ଲଗାମ ଦିଆଯିବ । ଏଥିପାଇଁ କେନ୍ଦ୍ର ସରକାର ପ୍ରସ୍ତୁତି ଆରମ୍ଭ କରିଛନ୍ତି । ସୋସିଆଲ ମିଡିଆରେ ଦେଶ ବିରୋଧୀ ଭିଡିଓ ବା ପୋଷ୍ଟ ସେୟାର କରୁଥିବା ଲୋକ ଏବେ ତ୍ରାହି ପାଇବେନି । ସୂଚନା ମୁତାବକ, କେନ୍ଦ୍ର ଗୃହ ମନ୍ତ୍ରାଳୟ ଏଥିପାଇଁ ପଲିସି ଆଣିବାକୁ ପ୍ରସ୍ତୁତ ହେଉଛି । ଦେଶ ବିରୋଧୀ କାମ କରୁଥିବା ଚ୍ୟାନେଲ ବ୍ଲକ୍ କରାଯିବ ଏବଂ ସେମାନଙ୍କ ବିରୋଧରେ ଶକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ସଂସଦୀୟ ସମିତିକୁ ଏହା ମଧ୍ୟ ସୂଚନା ଦିଆଯାଇଛି ଯେ, ଦେଶ ବିରୋଧୀ ଲୋକଙ୍କ ସୋସିଆଲ ମିଡିଆ ଉପରେ ଦୃଷ୍ଟି ରଖିବାକୁ ଏକ ସ୍ପେଶାଲ ଟିମ୍ ଗଠନ କରାଯାଉଛି । ଏମାନେ ସେହି ଲୋକଙ୍କୁ ଖୋଜି ବାହାର କରିବା ସହ ଏମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
