ନୂଆଦିଲ୍ଲୀ: ସୋମବାର ଭାରତୀୟ ସେନାର ମୋଟରସାଇକେଲ ରାଇଡର୍ ଡିସପ୍ଲେ ଟିମ୍ "ଡେୟାରଡେଭିଲ୍ସ" ଚଳନ୍ତା ମୋଟରସାଇକେଲରେ ସର୍ବୋଚ୍ଚ ମାନବ ପିରାମିଡ୍ ପାଇଁ ଏକ ବିଶ୍ୱ ରେକର୍ଡ ସୃଷ୍ଟି କରିଛି। ସାତୋଟି ମୋଟରସାଇକେଲରେ ୪୦ ଜଣ ଲୋକଙ୍କୁ ନେଇ ଗଠିତ ଏହି ମାନବ ପିରାମିଡ, ବିଜୟ ଚୌକରୁ ଇଣ୍ଡିଆ ଗେଟ୍ ପର୍ଯ୍ୟନ୍ତ କାର୍ତ୍ତବ୍ୟ ପଥରେ ୨ କିଲୋମିଟର ଦୂରତା ଅତିକ୍ରମ କରିଥିଲା।
"ଡେୟାରଡେଭିଲ୍ସ" ନାମରେ ଜଣାଶୁଣା ମୋଟରସାଇକେଲ ରାଇଡର୍ ଡିସପ୍ଲେ ଦଳ ଭାରତୀୟ ସେନାର କର୍ପସ ଅଫ ସିଗନାଲର ଏକ ଶାଖା। ଏହି ଦଲର ଏକ ଲମ୍ବା ଇତିହାସ ରହିଛି। ଏହି ଦଳ ବର୍ତ୍ତମାନ ସୁଦ୍ଧା ଗିନିଜ୍ ବୁକ୍ ଅଫ୍ ୱାର୍ଲ୍ଡ ରେକର୍ଡସ୍, ଏସିଆ ବୁକ୍ ଅଫ୍ ରେକର୍ଡସ୍ ଏବଂ ଲିମ୍କା ବୁକ୍ ଅଫ୍ ରେକର୍ଡସକୁ ମିଶେଇରେ ମୋଟ ୩୩ଟି ବିଶ୍ୱ ରେକର୍ଡ ହାସଲ କରିଛି।
ସେନା ଏକ ବିବୃତ୍ତିରେ କହିଛି ଯେ, ସିଗନାଲ କର୍ପସର ଆର୍ମସ ମୁଖ୍ୟ ଲେଫ୍ଟନାଣ୍ଟ ଜେନେରାଲ କେଭି କୁମାରଙ୍କ ସମେତ ସିଗନାଲ ଫ୍ରାଟର୍ନିଟି ଇଣ୍ଡିଆ ଚୌକରେ ଡେୟାରଡେଭିଲ୍ସକୁ ପତାକା ଦେଖାଇ ସ୍ୱାଗତ କରିଥିଲେ।
୧୯୩୫ ମସିହାରେ ପ୍ରତିଷ୍ଠା ହେବା ପରଠାରୁ, ଡେୟାରଡେଭିଲ୍ସ ଗଣତନ୍ତ୍ର ଦିବସ ପରେଡ୍, ସେନା ଦିବସ ପରେଡ୍ ଏବଂ ବିଭିନ୍ନ ସାମରିକ କାର୍ଯ୍ୟକ୍ରମ ସମୟରେ ସାରା ଭାରତରେ ୧୬୦୦ ରୁ ଅଧିକ ମୋଟରସାଇକେଲ୍ ପ୍ରଦର୍ଶନୀ କରିସାରିଛି। ଯାହା ସେମାନଙ୍କର ଉତ୍ସର୍ଗୀକୃତତା ଏବଂ ଅସାଧାରଣ ଦକ୍ଷତା ସେନାର ପରାକ୍ରମକୁ ପ୍ରେରଣା ଏବଂ ପ୍ରଦର୍ଶନ କରିଆସୁଛି।
ସୂଚନା ମୁତାବକ, ଭାରତୀୟ ସେନାର ମୋଟରସାଇକେଲ ରାଇଡର୍ ଡିସପ୍ଲେ ଟିମ୍ "ଡେୟାରଡେଭିଲ୍ସ" ଆସନ୍ତା ଗଣତନ୍ତ୍ର ଦିବସରେ ଏହି ଷ୍ଟଣ୍ଟ ପ୍ରଦର୍ଶନ କରିବା। ଜାନୁଆରୀ ୨୬, ୨୦୨୫ରେ କାର୍ତ୍ତବ୍ୟ ପଥଠାରେ ୭୬ତମ ଗଣତନ୍ତ୍ର ଦିବସ ପରେଡରେ ପ୍ରାୟ ୧୦,୦୦୦ ସ୍ୱତନ୍ତ୍ର ଅତିଥି ଯୋଗଦେବେ। ଅତିଥିମାନଙ୍କ ମଧ୍ୟରେ ବିଭିନ୍ନ କ୍ଷେତ୍ରର ପ୍ରମୁଖ ବ୍ୟକ୍ତି, ସ୍ୱୟଂ ସହାୟକ ଗୋଷ୍ଠୀର ସଦସ୍ୟ ଏବଂ ସରକାରୀ ଯୋଜନା ଏବଂ ଜାତୀୟ ବିକାଶରେ ଅବଦାନ ଦେଇଥିବା ବ୍ୟକ୍ତିବିଶେଷମାନେ ସାମିଲ ହେବେ।
