ନୂଆଦିଲ୍ଲୀ,୧୨/୧୨ :  ଅଷ୍ଟ୍ରେଲିଆ ଗସ୍ତରେ ଯାଇଥିବା ଭାରତୀୟ ମହିଳା ଟିମକୁ ଓ୍ବାନଡେ ସିରିଜରେ ଆୟୋଜକ ଟିମ୍ ହାତରୁ ୩-୦ରେ ପରାଜୟର ସାମ୍ନାକୁ କରିବାକୁ ପଡ଼ିଛି । ପ୍ରିତିଷ୍ଠିତ ସିରିଜର ଶେଷ ମ୍ୟାଚ୍ ୧୧ଡିସେମ୍ବରରେ WACAରେ ଖେଳାଯାଇଛି। ଯେଉଁଠାରେ ଅଷ୍ଟ୍ରେଲିଆ ମହିଳା ଟିମ୍ ୮୩ରନର ବଡ଼ ବ୍ୟବଧାନରେ ବିଜୟ ହାସଲ କରିଛି । ମ୍ୟାଚର ହିରୋ ମଧ୍ୟକ୍ରମର ଅଲରାଉଣ୍ଡର ଖେଳାଳୀ ଏନାବେଲ ସଦରଲ୍ୟଣ୍ଡ ରହିଛନ୍ତି । ସେ ପ୍ରଥମେ ବ୍ୟାଟିଂ ସମୟରେ ପଞ୍ଚମ ସ୍ଥାନରେ ବ୍ୟାଟିଂ କରି ୯୫ବଲରେ ୧୧୦ରନର ପାଳି ଖେଳିଥିଲେ । ଏହାପରେ ବୋଲିଂ ସମୟରେ ସେ ୯ଓଭରରେ ପ୍ରାୟ ୩୪ରନ୍ ଦେଇ ଗୋଟିଏ ଓ୍ବିକେଟ ନେଇଛନ୍ତି । ଯାହା ପାଇଁ ତାଙ୍କୁ ପ୍ଲେୟର ଅଫ ଦ ମ୍ୟାଚ୍ ଭାବେ ଚୟନ କରାଯାଇଥିଲା ।

ଓ୍ବାନଡେ ମ୍ୟାଚରେ ଏନବେଲ ସଦରଲ୍ୟାଣ୍ଡଙ୍କ ଜଲଓ୍ବା ଦେଖିବାକୁ ମିଳିଛି । କିନ୍ତୁ ୨୭ବର୍ଷିୟ ଏଶଲେ ଗାର୍ଡ଼ନରଙ୍କ ଯେତିକି ତାରିଫ୍ କରାଯିବ ସେତିକି କମ୍ ପଡ଼ିବ । ମ୍ୟାଚ୍ ସମୟରେ ସେ ୧୦ ଓଭର ବୋଲିଂ କରି ୩.୦୦ପ୍ରତିଶତରେ ପ୍ରାୟ ୩୦ରନ୍ ଦେଇ ୫ଓ୍ବିକେଟ ନେବାରେ ସଫଳ ରହିଛନ୍ତି। ଯାହା ଫଳରେ ଅଷ୍ଟ୍ରେଲିଆ ମହିଳା ଟିମ୍ ୮୩ରନର ବଡ଼ ବ୍ୟବଧାନରେ ଏକ ତରଫା ବିଜୟ ହାସଲ କରିବାରେ ସଫଳ ରହିଛନ୍ତି।   ମ୍ୟାଚ୍ ସମୟରେ ସେ ଦୁଇ ଖାସ୍ ଉପଲବ୍ଧି ବି ହାସଲ କରିଛନ୍ତି । 

ଏଶଲେ ଗାର୍ଡ଼ନର ଓ୍ବାନଡେ ଫର୍ମାଟରେ ଭାରତୀୟ ମହିଳା ଟିମ୍ ବିପକ୍ଷରେ ୫ଓ୍ବିକେଟ ନେବାରେ ବିଶ୍ବର ତୃତୀୟ ସ୍ପିନର ହୋଇଯାଇଛନ୍ତି । ତାଙ୍କ ପୂର୍ବରୁ ଏହି ଖାସ୍ ଉପଲବ୍ଧି କେବଳ ଜ୍ୟାକି ଲର୍ଡ ଏବଂ ଅନୀସା ମହମ୍ମଦ ହାସଲ କରିଥଲେ ।