ଗୌହାଟୀ,୨୦/୧୧: ସ୍ବାଧୀନତା ପରେ କିଛି ଦିନ ଯାଏ ପାକିସ୍ତାନ ପତାକା ଉଡିଥିବା ଦେଖିବାକୁ ମିଳିଥିଲା । ଏବେ ସେହି ସ୍ଥାନକୁ ନେଇ କିଛି ବଡ ଘୋଷଣା କରିଛନ୍ତି ଆସାମ ସରକାର । ଆସାମରେ ଥିବା କରିମଗଞ୍ଜ ଜିଲ୍ଲାର ନାମ ବଦଳିଛି । କରିମଗଞ୍ଜର ନାଁ ବଦଳି ଶ୍ରୀଭୂମି ହୋଇଛି । ଏ ନେଇ ଏକ୍ସରେ ସୂଚନା ଦେଇଛନ୍ତି ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ବଶର୍ମା।

ସୋସିଆଲ ମିଡିଆ ଏକ୍ସରେ ସୂଚନା ଦେଇ ଆସାମ ମୁଖ୍ୟମନ୍ତ୍ରୀ ହେମନ୍ତ ବିଶ୍ବଶର୍ମା କହିଛନ୍ତି, କରିମଗଞ୍ଜର ନାଁ ଶ୍ରୀଭୂମି ହୋଇଛି । ରବୀନ୍ଦନାଥ ଟାଗୋରଙ୍କୁ ସମ୍ମାନ ଜଣାଇ କରିମଗଞ୍ଜର ନାଁ ଶ୍ରୀଭୂମି କରାଯାଇଛି । କରିମଗଞ୍ଜର ଇତିହାସ ବ୍ରିଟିଶ ଶାସନକାଳ ସହ ଜଡିତ । ୧୦୦ ବର୍ଷ ପୂର୍ବରୁ କବିଗୁରୁ ରବୀନ୍ଦନାଥ ଟାଗୋର ଆସାମର ଆଧୁନିକ କରିମଗଞ୍ଜ ଜିଲ୍ଲାକୁ ଶ୍ରୀଭୂମି ମା ଲକ୍ଷ୍ମୀୀଙ୍କ ଭୂମି ରୂପରେ ବର୍ଣ୍ଣିତ କରିଥିଲେ । ଆସାମ କ୍ୟାବିନେଟ ଆମ ଲୋକଙ୍କୁ ବହୁ ଦିନରୁ ଥିବା ଦାବିକୁ ପୂରଣ କରିଛନ୍ତି । 

Over a 100 years ago, Kabiguru Rabindranath Tagore had described modern day Karimganj District in Assam as ‘Sribhumi’- the land of Maa Lakshmi.

Today the #AssamCabinet has fulfilled this long standing demand of our people. pic.twitter.com/VSN8Bnyv8N

— Himanta Biswa Sarma (@himantabiswa) November 19, 2024

୧୮୭୮ରେ ଏହି ଜିଲ୍ଲା ସ୍ଥାପନା ହୋଇଥିଲା । ୧୯୪୭ରେ ଭାରତ-ପାକିସ୍ତାନ ବିଭାଜନ ପରେ ପୂର୍ବ ପାକିସ୍ତାନ (ଏବେ ବାଂଲାଦେଶ)କୁ ହସ୍ତାନ୍ତର ହୋଇଥିଲା । ୧୯୮୩ ଜୁଲାଇ ୧ରେ କରିମଗଞ୍ଜକୁ ସ୍ବତନ୍ତ୍ର ଜିଲ୍ଲା ଭାବେ ଘୋଷଣା ହୋଇଥିଲା । ୨୦୧୧ ଜନଗଣନା ଅନୁସାରେ କରିମଗଞ୍ଜର ଜନସଂଖ୍ୟା ୧୨ ଲକ୍ଷରୁ ଅଧିକ ରହିଛି । କରିମଗଞ୍ଜର ନାମ ବଦଳି ଶ୍ରୀଭୂମି ହେବା ପରେ ଲୋକଙ୍କ ମଧ୍ୟରେ ଖୁସି ଦେଖିବାକୁ ମିଳିଛି । ସ୍ବାଧୀନତା ପରେ କରିମଗଞ୍ଜର ୭୦୯ ବର୍ଗ କିମି ଅଞ୍ଚଳରେ ପାକିସ୍ତାନ ପତାକା ଉଡିଥିଲା ।