ନୂଆଦିଲ୍ଲୀ ୨୯/୦୪: ପ୍ରାୟତଃ ଯେତେବେଳେ ଆମେ ATMରୁ ଟଙ୍କା ଉଠାଇବାକୁ ଯାଉ, ଆମକୁ ୧୦୦ କିମ୍ବା ୨୦୦ ଟଙ୍କାର ନୋଟ୍ ମିଳେ ନାହିଁ। କିନ୍ତୁ ଏବେ ଏ ଏହି ସମସ୍ୟାର ଅନ୍ତ ହେବାକୁ ଯାଉଛି। ଭାରତୀୟ ରିଜର୍ଭ ବ୍ୟାଙ୍କ (RBI) ବ୍ୟାଙ୍କ ଏବଂ ହ୍ୱାଇଟ୍ ଲେବଲ ATM ଅପରେଟରମାନଙ୍କୁ ସେମାନଙ୍କ ATMରେ ୧୦୦ ଏବଂ ୨୦୦ ଟଙ୍କା ନୋଟର ଉପଲବ୍ଧତା ବୃଦ୍ଧି କରିବାକୁ ନିର୍ଦ୍ଦେଶ ଦେଇଛି। ଅର୍ଥାତ୍ ଆଗାମୀ ଦିନରେ, ଆପଣ ୫୦୦ ଟଙ୍କାର ନୋଟ୍ ବଦଳରେ ସହଜରେ ଛୋଟ ନୋଟ୍ ପାଇପାରିବେ।
ଆରବିଆଇ ତାର ସର୍କୁଲାରରେ କହିଛି ଯେ ସାଧାରଣ ଜନତାଙ୍କୁ ୧୦୦ ଟଙ୍କା ଏବଂ ୨୦୦ ଟଙ୍କା ନୋଟର ପର୍ଯ୍ୟାପ୍ତ ଉପଲବ୍ଧତା ଯୋଗାଇବା ପାଇଁ ବ୍ୟାଙ୍କ ଏବଂ ହ୍ୱାଇଟ୍ ଲେବଲ୍ ଏଟିଏମ୍ (ଡବ୍ଲୁଏଲଏ) ଅପରେଟରମାନଙ୍କୁ ଆବଶ୍ୟକୀୟ ପଦକ୍ଷେପ ନେବାକୁ ପଡିବ। ଏହା ଅଧୀନରେ, ସେପ୍ଟେମ୍ବର ୩୦, ସୁଦ୍ଧା, ଦେଶର ୭୫% ଏଟିଏମ୍ରେ ଅତି କମରେ ଗୋଟିଏ କ୍ୟାସେଟ୍ ରୁ ୧୦୦ କିମ୍ବା ୨୦୦ ଟଙ୍କା ନୋଟ୍ ବାହାରିବା ଉଚିତ। ଏହା ପରେ, ଏହି ସୁବିଧା ୩୧ ମାର୍ଚ୍ଚ, ୨୦୨୬ ସୁଦ୍ଧା ୯୦% ଏଟିଏମ୍ରେ ଉପଲବ୍ଧ କରିବାକୁ ପଡିବ।
