ଭୁବନେଶ୍ୱର,୨୪/୦୩: ରାଜଧାନୀରେ ବ୍ୟବସାୟୀଙ୍କ ଠାରୁ ଲୁଟ୍ । ଏକ ନମ୍ବର ହାଟରୁ ବ୍ୟବସାୟ ସାରି ଫେରୁଥିବା ବେଳେ ରାଜମହଲ ଛକ ନିକଟରେ ବ୍ୟବସାୟୀଙ୍କୁ ଖଣ୍ଡାରେ ଆକ୍ରମଣ କଲେ ୨ ଦୁର୍ବୃତ୍ତ । ବ୍ୟବସାୟୀଙ୍କ ଠାରୁ ଲୁଟି ନେଲେ ସୁନା ଏବଂ ଟଙ୍କା ।
ସୂଚନା ମୁତାବକ, ଏକ ନମ୍ବର ମାର୍କେଟରେ ବ୍ୟବସାୟୀ ପୂର୍ଣଚନ୍ଦ୍ର ନାୟକଙ୍କ ଏକ ସୁନା ଦୋକାନ ରହିଛି । ରବିବାର ରାତିରେ ଦୋକାନ ବନ୍ଦ କରି ବଡ଼ଗଡ଼ ବ୍ରିଟ କଲୋନୀରେ ଥିବା ନିଜ ଘରକୁ ଫେରୁଥିଲେ । ଘରକୁ ଫେରିବା ବେଳେ ଏହି ଲୁଟ୍ ହୋଇଥିଲା । ରାଜମହଲ ଛକରେ ୨ ଜଣ ଦୁର୍ବୃତ୍ତ ଖଣ୍ଡା ଧରି ଆସି ପୂର୍ଣ୍ଣଚନ୍ଦ୍ରଙ୍କୁ ଆକ୍ରମଣ କରିଥିଲେ । ଆକ୍ରମଣ କରି ବଳପୂର୍ବକ ସ୍କୁଟି ଡିକିରେ ଥିବା ଏକ ଲକ୍ଷ ୭୦ ହଜାର ଟଙ୍କା, ପୂର୍ଣ୍ଣଚନ୍ଦ୍ର ପିନ୍ଧିଥିବା ଗୋଟିଏ ସୁନା ଚେନ, ସୁନା ବ୍ରେସଲେଟ ଲୁଟି ନେଇଥିଲେ ଦୁର୍ବୃତ୍ତ ।
