କେନ୍ଦୁଝର ସଦର ୧୯/୮(ଆପ୍ର):ସାଂପ୍ରତିକ ସ୍ଥିତିରେ ବୃଦ୍ଧି ପାଉଥିବା ମହିଳା ହିଂସା ରୋକିବାକୁ କେନ୍ଦୁଝର ସଦର ଥାନା ତରଫରୁ ରାଇସୁଆଁ ମହାବିଦ୍ୟାଳୟଠାରେ ମଙ୍ଗଳବାର ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଏହି ସଚେତନତା କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ରତିନ୍ଦ୍ର କୁମାର ପରିଡା ସଭାପତିତ୍ୱ କରିଥିଲେ। ସଦର ଥାନା ଅଧିକାରୀ ଅମିତ ଭୂୟାଁ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଛାତ୍ରୀମାନଙ୍କୁ ମାନସିକ ଚାପ ଗ୍ରସ୍ତରୁ କିଭଳି ଦୂରେଇ ରହିବେ ଏବଂ ମହିଳା ମାନେ ଆବଶ୍ୟକ ସ୍ଥଳେ ପୁଲିସକୁ ଫୋନ କରି ଖବର ଦେଲା ମାତ୍ର ପୁଲିସ ଘଟଣା ସ୍ଥଳରେ ଶୀଘ୍ର ପହଁଚି ପାରିବ ବୋଲି ସଚେତନ କରିଥିଲେ। ଅସହାୟ , ଚାପଗ୍ରସ୍ତ ମହିଳାମାନଙ୍କ ପାଇଁ ରାଜ୍ୟ ସରକାର କିଭଳି ତତ୍ପରତା ପ୍ରକାଶ କରିବା ସହ ବିଭିନ୍ନ ପ୍ରକାର ଆଇନ ମାଧ୍ୟମରେ ସୁରକ୍ଷା ପ୍ରଦାନ କରୁଛନ୍ତି ଏବଂ ଏହାକୁ ସୁଦୃଢ କରିବା ପାଇଁ ରାଜ୍ୟ ପୋଲିସ କିଭଳି କାର୍ଯ୍ୟ କରୁଛି ସେ ସଂପର୍କରେ ଉପସ୍ଥିତ ଛାତ୍ରୀମାନଙ୍କୁ ବୁଝାଇଥିଲେ ଶ୍ରୀ ଭୂୟାଁ। ମହିଳାମାନେ ନିର୍ଭୟ ରହି ନିଜ ନିଜର କର୍ମକ୍ଷେତ୍ରରେ ଆଗକୁ ବଢିବା ଲାଗି ସବ୍ଇନ୍ସପେକ୍ଟର ସୂର୍ଯ୍ୟ ରାଉତରାୟ କହିଥିଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସଦର ଥାନାର ସିଡବ୍ଲୁ୍ୟପିଓ ସବ୍ଇନ୍ସପେକ୍ଟର ସୁସ୍ମିତା ହୋରୋ,କନେଷ୍ଟବଳ ମାଦି୍ରମଣୀ ମହାନ୍ତ,ମହାବିଦ୍ୟାଳୟର ଇଂରାଜୀ ଅଧ୍ୟାପକ ବିପିନ ବିହାରୀ ସାହୁ,ଡ଼ ଆଶିଷ କୁମାର ରାଉତ,ପୁନମ ମିଶ୍ର, ସଂଜିତା ଗିରି ସମେତ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ । ଉପସ୍ଥିତ ଛାତ୍ରୀମାନେ ଶପଥ ପାଠ ମାଧ୍ୟମରେ ଯଥା ସମ୍ଭବ ରୋକିବା ଅଭିଯାନରେ ସାମିଲ ହେବାକୁ ନିଷ୍ପତ୍ତି ନେଇଥିଲେ ।
