ରାୟଗଡ଼(ଗଜପତି), ୫/୭: ଗଜପତି ଜିଲ୍ଲା ରାୟଗଡ଼ ଗ୍ରାମରେ ଶାନ୍ତି ଶୃଙ୍ଖଳା ସହ ବହୁ ଆଡ଼ମ୍ବର ସହକାରେ ବାହୁଡ଼ା ଯାତ୍ରା ଶେଷ ହୋଇଛି I ନଅ ଦିନର ରହଣି ପରେ ମାଉସୀ ମା ମନ୍ଦିରରୁ ବାହୁଡିଛନ୍ତି ଠାକୁର l ମହାପ୍ରଭୁ ଶ୍ରୀଜଗନ୍ନାଥଙ୍କୁ ପାରମ୍ପରିକ ବିଧିବିଧାନ ଅନୁଯାୟୀ ମାଉସୀ ମା ମନ୍ଦିରରେ ଭୋଗ ଲାଗି ହେବା ପରେ ନିଜ ମନ୍ଦିରକୁ ପ୍ରତ୍ୟାବର୍ତ୍ତନ ପାଇଁ ରଥାରୁଢ଼ କରାଯାଇଥିଲା l ସନ୍ଧ୍ୟା ୬ ଟା ସମୟରେ ରଥ ଟଣା କାର୍ଯ୍ୟକ୍ରମ ଅନୁଷ୍ଠିତ ହୋଇ ରାତ୍ର ୯ ଟା ସମୟରେ ହନୁମାନ ଛକ ନିକଟରେ ପହଂଚି ଥିଲେ I 

ରବିବାର ସୁନାବେଶ ଥିବାରୁ ରଥ ଉପରେ ଭକ୍ତଙ୍କୁ ଠାକୁର ଦର୍ଶନ ଦେବେ I ଦୁଇ ଦିନ ଠାକୁର ରଥ ଉପରେ ଭକ୍ତଙ୍କୁ ଦର୍ଶନ ଦେଇ ସୋମବାର ସନ୍ଧ୍ୟାରେ ଠାକୁର ମନ୍ଦିରରେ ପହଂଚିବ ବୋଲି କମିଟି ପକ୍ଷରୁ ସୂଚନା ମିଳିଛି l ଡାହୁକର ଡାକ ସହ ଘଣ୍ଟ ଓ ମୃଦଙ୍ଗ ସଙ୍କୀର୍ତ୍ତନର ତାଳେତାଳେ ଜୟ ଜଗନ୍ନାଥ ଧ୍ବନିରେ ରାୟଗଡ଼ ଗ୍ରାମ ଉତ୍ସବ ମୁଖରିତ ହୋଇଉଠିଥିଲା l ଏହି ପରିପ୍ରେକ୍ଷୀରେ ମନ୍ଦିର ଅଧିନରେ ଥିବା ୧୮ ଖଣ୍ଡ ଗ୍ରାମର ମୁଖିଆ, ସଙ୍କୀର୍ତନ ମଣ୍ଡଳୀର ଗାହକ, ବାହକ ଆଦି ବିଭିନ୍ନ ବର୍ଗର ସେବାୟତଙ୍କୁ ସମ୍ବର୍ଦ୍ଧିତ କରାଯାଇଥିଲା l 

ଏହି ସମ୍ବର୍ଦ୍ଧିତ କାର୍ଯ୍ୟକ୍ରମରେ ରାୟଗଡ଼ ଗ୍ରାମର ଭବାନୀ ବିଶୋୟୀ, ପୁରୋହିତ ପ୍ରତାପ ପାଢୀ,  ଉପାଧ୍ଯକ୍ଷ ଜ୍ଯୋତି ପ୍ରସାଦ ପାଣି, ମାର୍ଲବା ସରପଞ୍ଚ ଜଳନ୍ଧର କାର୍ଯୀ, ସାନତୁଣ୍ଡି ସରପଞ୍ଚ ସଂଘମିତ୍ରା ଶବର, କରଡ଼ାସିଂ ସରପଞ୍ଚ ଉମା ଶଙ୍କର ଭୁମଲ, ରାୟଗଡ଼ ସରପଞ୍ଚ ସୁଷମା ଶବର, ଉପଦେଷ୍ଟା ସୀମାଦ୍ରୀ ଗୁରୁ, ପଞ୍ଚୁମନ କୁମ୍ଭ ପ୍ରମୁଖ ସମେତ ଅଞ୍ଚଳର ବୁଦ୍ଧିଜୀବି, ଅଞ୍ଚଳବାସୀ ଉପସ୍ଥିତ ଥିଲେ l ଉକ୍ତ କାର୍ଯ୍ୟକ୍ରମରେ ରାୟଗଡ଼ ଯୁବଗୋଷ୍ଠୀ, ଗ୍ରାମବାସୀ ସମେତ ଆଖପାଖ ଅଞ୍ଚଳର ବହୁ ଭକ୍ତ ରଥ ଟଣାରେ ସାମିଲ ହୋଇଥିଲେ l  ହଜାର ହଜାର  ଭକ୍ତ ଜମା ହୋଇଥିଲେ l ରାୟଗଡ଼ ପୁଲିସ୍ ଜନ ଗହଳି ନିୟନ୍ତ୍ରଣ କରିଥିଲେ l ସେହିପରି ବ୍ଲକର ନାରାୟଣପୁର, ଗଣ୍ଡାହାତୀ, ଅମେଡା, ଖମ୍ବlରି ସାହିଠାରେ ରଥ ଟଣା ଶେଷ ହୋଇଛି I 

ମଣ୍ଡଳ ସାହି ଓ ଜିରାଙ୍ଗ ଗ୍ରାମର ବଳଦେବ ଜୀଉଙ୍କୁ ପହଣ୍ଡି କରି ରଥ ଉପରେ ପ୍ରଭୁ ଦର୍ଶନ ଦେଇଥିଲେ । ବଡ଼ ଏକାଦଶୀ ହୋଇଥିବାରୁ ଗୁରୁବାର ମଧ୍ଯ ସୁନାବେଶରେ ପ୍ରଭୁ ରଥ ଉପରେ ଦର୍ଶନ ଦେଇଥିଲେ l ଆସନ୍ତା କାଲି ରଥଟଣା କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ପରିଚାଳନା କମିଟି ପକ୍ଷରୁ ଜଣାପଡିଛି l