ନୂଆଦିଲ୍ଲୀ, ୨୧/୧୨: ବାଂଲାଦେଶରେ ୨୦୨୪ରେ ହିନ୍ଦୁଙ୍କ ବିରୋଧରେ ୨,୨୦୦ ହିଂସା ମାମଲା ରୁଜୁ ହୋଇଛି । ବିଶେଷ କରି ଶେଖ ହସିନାଙ୍କ ସରକାର ପତନ ପରେ ମାମଲା ସଂଖ୍ୟା ବଢ଼ିଛି ବୋଲି ଭାରତର ବିଦେଶ ମନ୍ତ୍ରଣାଳୟ ପକ୍ଷରୁ ଶୁକ୍ରବାର ସୂଚନା ଦିଆଯାଇଛି । ସେହିପରି ପାକିସ୍ତାନରେ ଚଳିତ ବର୍ଷ ହିନ୍ଦୁଙ୍କ ବିରୋଧରେ ୧୧୨ ହିଂସା ମାମଲା ରୁଜୁ ହୋଇଛି ।
ରାଜ୍ୟସଭାରେ ତଥ୍ୟ ଦେଇ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ହିନ୍ଦୁଙ୍କ ସୁରକ୍ଷା ପାଇଁ ବାଂଲାଦେଶ ଏବଂ ପାକିସ୍ତାନ ସରକାରଙ୍କୁ ଚିଠି ଲେଖାଯାଇଛି । ବାଂଲାଦେଶରେ ହିନ୍ଦୁଙ୍କ ସୁରକ୍ଷା ପାଇଁ ସେଠାକାର ସରକାର ଆବଶ୍ୟକ ପଦକ୍ଷେପ ନେବେ ବୋଲି ଆଶା ରହିଛି । ତଥ୍ୟରୁ ଆହୁରି ଜଣାପଡ଼ିଛି ଯେ, ୨୦୨୨ରେ ବାଂଲାଦେଶରେ ହିନ୍ଦୁଙ୍କ ବିରୋଧରେ ୪୭ ମାମଲା ରହିଥିଲା । ୨୦୨୩ରେ ତାହା ୩୦୨ ଏବଂ ୨୦୨୪ ଡିସେମ୍ବର ୮ ସୁଦ୍ଧା ୨,୨୦୦କୁ ବୃଦ୍ଧି ପାଇଛି ।
