ମୁମ୍ବାଇ,୧୭/୦୧: ଗତ ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜ ପରାଜୟ ପରେ ବିସିସିଆଇ କୋଚିଂ ଟିମ୍ରେ ଆଉ ଜଣେ ସଦସ୍ୟଙ୍କୁ ସାମିଲ କରିଛି । ପୂର୍ବତନ ଘରୋଇ କ୍ରିକେଟ୍ ଖେଳାଳି ସିତାଂଶୁ କୋଟକଙ୍କୁ ବ୍ୟାଟିଂ କୋଚ ଭାବେ ନିଯୁକ୍ତି ମିଳିଛି । ପୂର୍ବରୁ ଗୌତମ ଗମ୍ଭୀର ମୁଖ୍ୟ କୋଚ୍ ରହିଥିବାବେଳେ ଅଭିଷେକ ନାୟାର ସହକାରୀ କୋଚ, ମର୍ଣ୍ଣ ମୋର୍କେଲ ବୋଲିଂ କୋଚ୍ ଓ ର୍ୟାନ୍ ଟେନ୍ ଡିଓଷ୍ଟ ସହକାରୀ କୋଚ ଓ ଟି ଦିଲ୍ଲୀପ୍ ଫିଲ୍ଡିଂ କୋଚ ରହିଛନ୍ତି । ଇଂଲଣ୍ଡ ବିପକ୍ଷ ଘରୋଇ ସିରିଜ ପୂର୍ବରୁ ସେ ଭାରତୀୟ ଦଳ ସହ ଯୋଗ ଦେବେ । ବର୍ତ୍ତମାନ ସେ ଭାରତ ଏ’ ଦଳର ମୁଖ୍ୟ କୋଚ ରହିଛନ୍ତି ।
କୋଟକ ଘରୋଇ କ୍ରିକେଟ୍ରେ ଜଣେ ସଫଳ ବ୍ୟାଟର ରହିଥିଲେ । ୧୯୯୨/୯୨ରୁ ୨୦୧୩ ମଧ୍ୟରେ ସେ ସୌରାଷ୍ଟ୍ର ପକ୍ଷରୁ ୧୩୦ଟି ରଣଜୀ ଟ୍ରଫି ମ୍ୟାଚ୍ ଖେଳି ୪୧.୭୬ ହାରରେ ୮୦୬୧ ରନ୍ ସଂଗ୍ରହ କରିଥିଲେ । ଏଥିରେ ୧୫ଟି ଶତକ ଓ ୫୫ଟି ଅର୍ଦ୍ଧଶତକ ରହିଛି । ଅବସର ପରେ ସେ ସୌରାଷ୍ଟ୍ର ଦଳର କୋଚ୍ ଭାବେ କାର୍ଯ୍ୟ କରିଥିଲେ । ଗତ ୪ବର୍ଷ ହେଲା ସେ ଏନ୍ସିଏର ବ୍ୟାଟିଂ କୋଚ୍ ଭାବେ କାର୍ଯ୍ୟ କରୁଛନ୍ତି ।
