ମୁମ୍ବାଇ,୧୭/୦୧: ଭାରତୀୟ ସିନିୟର ପୁରୁଷ ଦଳକୁ ଏକତ୍ରିତ, ଶୃଙ୍ଖଳିତ ଏବଂ ଏକ ସକରାତ୍ମକ ପରିବେଶ ମଧ୍ୟରେ ରଖିବା ପାଇଁ ବିସିସିଆଇ ୧୦ଟି ନୂଆ ନିୟମ ଆଣିବାକୁ ଯାଉଛି । ମୁଖ୍ୟ କୋଚ୍ ଗୌତମ ଗମ୍ଭୀରଙ୍କ ପରାମର୍ଶକ୍ରମେ ବିସିସିଆଇ ଏହି ନିର୍ଦ୍ଦେଶନାମା ଜାରି କରିଥିବା ଜାତୀୟ ଗଣମାଧ୍ୟମ ଇଣ୍ଡିଆଟୁଡେ ଖବର ପ୍ରକାଶ କରିଛି।
ଖେଳାଳିଙ୍କ ପାଇଁ ପ୍ରଥମ ନିୟମ ରହିଛି ଘରୋଇ କ୍ରିକେଟ୍ ଖେଳିବା ବାଧ୍ୟତାମୂଳକ । ଦ୍ୱିତୀୟ- ଦଳ ସହ ଖେଳାଳିମାନେ ଏକାଠି ଯାତ୍ରା କରିବେ । ପରିବାର ସହ ସେମାନେ ସ୍ୱତନ୍ତ୍ର ଭାବେ ଯାତ୍ରା କରିପାରିବେ ନାହିଁ । ତୃତୀୟ- ନିର୍ଦ୍ଧାରିତ ଓଜନ ଠାରୁ ଅଧିକ ଓଜନର ବ୍ୟାଗ୍ ନେଇ ପାରିବେ ନାହିଁ । ଚତୁର୍ଥ- ବ୍ୟକ୍ତିଗତ ସହାୟକଙ୍କୁ ସାଙ୍ଗରେ ନେବା ବାରଣ,
ପଞ୍ଚମ-ଟିମ୍ ମ୍ୟାନେଜମେଣ୍ଟ ସହ ଯୋଗାଯୋଗ କରି ଖେଳ ସାମଗ୍ରୀକୁ ବେଙ୍ଗାଲୁରୁ ଉତ୍କର୍ଷ କେନ୍ଦ୍ରକୁ ପଠାଇବା, ଷଷ୍ଠ-ଅଭ୍ୟାସ ଭେନ୍ୟୁକୁ ସହଳ ଏକାଠି ହୋଇ ବାହାରିବା, ସପ୍ତମ-ଗସ୍ତ ସମୟରେ ବିଜ୍ଞାପନ ସୁଟିଂ ଓ ବ୍ୟକ୍ତିଗତ ଭ୍ରମଣକୁ ଅନୁମତି ନଦେବା, ଅଷ୍ଟମ-ପରିବାର ଲୋକଙ୍କ ଗସ୍ତ ଉପରେ କଟକଣା, ନବମ-ବିସିସିଆଇର ଅଫିସିଆଲ ସୁଟିଂ ଓ କାର୍ଯ୍ୟକ୍ରମରେ ସାମିଲ ହେବା ଏବଂ ସିରିଜ ଶେଷ ହେବା ପର୍ଯ୍ୟନ୍ତ ଖେଳାଳିମାନେ ଦଳ ସହ ରହିବେ ।
