କଟକ, ୦୪/୧୨: ଖଇରା ପୋଲ ନିକଟରୁ ଧରାପଡ଼ିଲା ଗୋମାଂସ ବୋଝେଇ କଣ୍ଟେନର । ଗାଡ଼ି ଭିତରେ ପାଖାପାଖି ୧୮ ଟନ୍ ଗୋମାଂସ ଥିବା ଅନୁମାନ କରାଯାଉଛି। କଟକ ଜିଲ୍ଲା ଜଗତପୁର ଖଇରା ପୋଲ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଏକ ଦଶ ଚକିଆ କଣ୍ଟେନରଟି ସାଲେପୁର ରାସ୍ତା ଆଡୁ ଗୋମାଂସ ନେଇ ଆସୁଥିବା ବିଷୟରେ ବଜରଙ୍ଗ ଦଳ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ବଜରଙ୍ଗ ଦଳ ଛକି ବସିଥିଲା । ଗାଡ଼ିଟି ଆସିବା ମାତ୍ରେ ବଜରଙ୍ଗ ଦଳର ସଦସ୍ୟ ମାନେ ଅଟକାଇ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ଜଗତପୁର ଥାନା ପୋଲିସ ଗାଡ଼ିକୁ ଅଟକ ରଖିବା ସହ ଘଟଣାର ତଦନ୍ତ କରୁଛି।
