ଗଜା ମୁଗ। ଏଥିରେ ଭରପୁର ପ୍ରୋଟିନ ରହିଥାଏ । ଯଦି ଆପଣ ସକାଳ ଖାଦ୍ୟରେ ରାତିସାରା ପାଣିରେ ଭିଜା ମୁଗ ବା ଗଜା ମୁଗକୁ ସାମିଲ କରିବେ, ତାହାଲେ ଆପଣଙ୍କୁ ଭରପୁର ଶକ୍ତି ମିଳିବ ଏବଂ ସୁସ୍ଥ ରହିବେ । ଭିଜା ମୁଗ ଏକ ସମ୍ପୂର୍ଣ୍ଣ ପୁଷ୍ଟିକର ତତ୍ତ୍ୱରେ ଭରପୁର ସୁପରଫୁଡ୍ ଯାହା ଆପଣଙ୍କ ଶରୀରକୁ ପ୍ରଚୁର ଶକ୍ତି, ପୁଷ୍ଟିସାର ପ୍ରଦାନ କରେ ।
ଭିଜା ମୁଗରେ ଥିବା ଫାଇବର ଆପଣଙ୍କ ପାଚନ ତନ୍ତ୍ରକୁ ଶକ୍ତିଶାଳୀ କରିଥାଏ । ଏହା ଅନ୍ତନଳୀକୁ ସୁସ୍ଥ ରଖେ, କୋଷ୍ଠକାଠିନ୍ୟ ଦୂର କରେ, ପେଟକୁ ହାଲୁକା ଏବଂ ଆରାମଦାୟକ ରଖେ । ଯଦି ଆପଣଙ୍କର ଏସିଡିଟି କିମ୍ବା ପେଟ ଫୁଲିବା ସମସ୍ୟା ଅଛି । ତେବେ ପ୍ରତିଦିନ ସକାଳେ ଭିଜା ମୁଗ ଖାଇବା ଲାଭଦାୟକ ହୋଇପାରେ । ସେହିପରି ଆପଣ ଶାକାହାରୀ ଏବଂ ଆପଣଙ୍କ ଶରୀରକୁ ପ୍ରାକୃତିକ ପ୍ରୋଟିନ୍ ଯୋଗାଇବାକୁ ଚାହୁଁଛନ୍ତି । ତେବେ ଭିଜା ମୁଗ ସବୁଠୁ ଭଲ । ଏହା ମାଂସପେଶୀ ସୁଦୃଢ଼ କରିବା, ଟିସୁ ଏବଂ ଶରୀରର ବୃଦ୍ଧିରେ ସାହାଯ୍ୟ କରେ । ଓଜନ ହ୍ରାସ କରିବାକୁ ଚାହୁଁଥିବା ଲୋକଙ୍କ ପାଇଁ ଭିଜା ମୁଗ ଏକ ଔଷଧ ପରି କାମ କରେ । ଭିଜା ମୁଗ ଏକ କମ କ୍ୟାଲୋରୀ ଏବଂ ଉଚ୍ଚ ଫାଇବରଯୁକ୍ତ ଖାଦ୍ୟ, ଯାହା ପେଟକୁ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ରଖେ ଏବଂ ଅସ୍ୱାସ୍ଥ୍ୟକର ଖାଦ୍ୟ ଖାଇବାକୁ ଇଚ୍ଛା ହୁଏ ନାହିଁ ।
ସେହିପରି ଭିଜା ମୁଗରେ ଥିବା ଆଣ୍ଟିଅକ୍ସିଡାଣ୍ଟ ଏବଂ ଭିଟାମିନ୍ 'ଇ' ତ୍ୱଚାକୁ ଉଜ୍ଜ୍ୱଳ ରଖେ । ଏହା ସହିତ ଏଥିରେ ଥିବା ପ୍ରୋଟିନ ଏବଂ ଖଣିଜ ପଦାର୍ଥ କେଶକୁ ମଜବୁତ ଏବଂ ଘନ କରିବାରେ ସାହାଯ୍ୟ କରେ । ପ୍ରତିଦିନ ସକାଳେ ଭିଜା କଞ୍ଚା ଚଣା ଖାଇବା ଦ୍ୱାରା ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ ହୁଏ । ଯାହା ଶରୀରକୁ ହାଲୁକା ଏବଂ ଶକ୍ତିଶାଳୀ ଅନୁଭବ କରାଏ । ଏହା ଆପଣଙ୍କ ଯକୃତକୁ ମଧ୍ୟ ସୁସ୍ଥ ରଖେ । ତେଣୁ ପ୍ରତିଦିନ ସକାଳେ ଭିଜା ମୁଗ ଖାଇବା ଦ୍ୱାରା ଆପଣଙ୍କ ଶରୀର କେବଳ ଫିଟ୍ ଏବଂ ସୁସ୍ଥ ରହିବ ନାହିଁ । ବରଂ ଏହା ଆପଣଙ୍କୁ ସାରା ଦିନ ସକ୍ରିୟ ରଖିବ ।
