ନୂଆଦିଲ୍ଲୀ: ରୟାଲ ଚ୍ୟଲେଞ୍ଜର ବେଙ୍ଗାଲୁରୁ ନିଜ ହୋମ ଗ୍ରାଉଣ୍ଡ ଚିନ୍ନାସ୍ୱାମୀ ଷ୍ଟାଡିୟମରେ ଚଳିତ ସିଜିନର ପ୍ରଥମ ବିଜୟ ହାସଲ କରିଛି। ଦଳ ରାଜସ୍ଥାନ ରୟାଲ୍ସକୁ ୧୧ ରନରେ ହରାଇ ଦେଇଛି। ଜୋସ ହେଜଲଉଡ ୧୯ ତମ ଓଭରରେ ମାତ୍ର ୧ ରନ ଦେବା ସହ ୨ଟି ୱିକେଟ ନେଇ ମ୍ୟାଚକୁ ପଲଟେଇ ଦେଇଛନ୍ତି। ହେଜଲଉଡ ମାତ୍ର ୩୩ ରନ ଦେଇ ୪ଟି ୱିକେଟ ହାସଲ କରିଛନ୍ତି।
ଗୁରୁବାର ହୋଇଥିବା ମ୍ୟାଚରେ ରାଜସ୍ଥାନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ବେଙ୍ଗାଲୁରୁ ୫ ୱିକେଟ ହରାଇ ୨୦୫ ରନ ସଂଗ୍ରହ କରିଥିଲା। ଏହାର ଜବାବରେ ରାଜସ୍ଥାନ ୯ ୱିକେଟ ହରାଇ ୧୯୪ ରନ ସଂଗ୍ରହ କରିପାରିଥିଲା। ପ୍ରତମେ ବ୍ୟାଟିଂ କରିବାକୁ ଆସିଥିବା ଯଶସ୍ୱୀ ଜୟସୁଆଲ ୪୯ ଓ ଧ୍ରୁବ ଜୁରେଲ ୪୭ ରନ ସଂଗ୍ରହ କରିଥିଲେ। ସନ୍ଦିପ ଶର୍ମା ୨ଟି ୱିକେଟ ହାସଲ କରିଛନ୍ତି। ବେଙ୍ଗାଲୁରୁ ପକ୍ଷରୁ ବିରାଟ କୋହଲି ଓ ଦେବଦନ୍ତ ପାଡିକ୍କଲ ଅର୍ଧଶତକ ହାସଲ କରିଥିଲେ। କ୍ରୁନାଲ ପାଣ୍ୟା ୨ଟି ୱିକେଟ ନେଇଛନ୍ତି।
