ଗୋପାଳପୁର ୧୪/୪ : ବ୍ରହ୍ମପୁର ବିଶ୍ଵବିଦ୍ୟାଳୟ କ୍ରୀଡା ଦଳ ସୋମବାର କେନ୍ଦୁଝର ଗସ୍ତ କରିଛନ୍ତି। କେନ୍ଦୁଝର ସ୍ଥିତ ଧରଣୀ ଧର ବିଶ୍ଵବିଦ୍ୟାଳୟରେ ଚଳିତ ମାସ ୧୬ ତାରିଖ ଠାରୁ ୨୦ ତାରିଖ ପର୍ଯ୍ୟନ୍ତ ହେବାକୁ ଥିବା ଓଡିଶା ଅନ୍ତଃ ବିଶ୍ଵବିଦ୍ୟାଳୟ ପୁରୁଷ ଓ ମହିଳା କ୍ରୀଡା ପ୍ରତିଯୋଗିତାରେ ଭାଗ ନେବେ।
ବ୍ରହ୍ମପୁର ବିଶ୍ଵବିଦ୍ୟାଳୟ ଅଧୀନରେ ଥିବା ପ୍ରାୟ ୩୨ଟି କଲେଜରୁ ପ୍ରାୟ ୧୪୪ ଜଣ ଛାତ୍ରଛାତ୍ରୀ ୧୮ ଟି ଇଭେଣ୍ଟରେ ଭାଗ ନେବେ। ଦଳରେ ୨୦ ଜଣ ଅଫିସିଆଲ୍ ଭାବେ ଗସ୍ତ କରିଛନ୍ତି।କ୍ରୀଡା ପରିଷଦ ପକ୍ଷରୁ ସମ୍ପାଦକ ଡଃ ସାରଦା ପ୍ରସାଦ ସାହୁ,ରାଜେଶ୍ କୁମାର ମହାନ୍ତି, ଡା ସମରେନ୍ଦ୍ର କୁମାର ସାହୁ, ସଚ୍ଚିଦାନନ୍ଦ ଦାଶ ପ୍ରମୁଖ ଜଣାଇଛନ୍ତି।
