ନୂଆଦିଲ୍ଲୀ,୨୦/୧୦: କ୍ରମାଗତ ତୃତୀୟ ମାସ ପାଇଁ ସେପ୍ଟେମ୍ବରରେ ବିହାରରେ ସବୁଠାରୁ ଅଧିକ ଦରବୃଦ୍ଧି ଦେଖିବାକୁ ମିଳିଛି । ରାଜ୍ୟରେ ଏହି ସମୟରେ ଖୁଚୁରା ମୁଦ୍ରାସ୍ଫୀତି ହାର ୭.୫% ରହିଥିଲା, ଯାହାକି ୫.୫%ର ଜାତୀୟ ହାରାହାରିଠାରୁ ଅନେକ ମାତ୍ରାରେ ଅଧିକ । ବିହାର ପରେ ରହିଛି ଛତିଶଗଡ । ଏଠାରେ ମୁଦ୍ରାସ୍ଫୀତି ହାର ସେପ୍ଟେମ୍ବରରେ ୭.୪% ରହିଛି । ତୃତୀୟ ସ୍ଥାନରେ ଉତ୍ତର ପ୍ରଦେଶ ଥିବାବେଳେ ଚତୁର୍ଥ ସ୍ଥାନରେ ଓଡ଼ିଶା ଏବଂ ପଞ୍ଚମ ସ୍ଥାନରେ ହରିୟାଣା ରହିଛି । ୩ଟି ଯାକ ରାଜ୍ୟରେ ଖୁଚୁରା ମୁଦ୍ରାସ୍ଫୀତି ହାର ଯଥାକ୍ରାମେ ୬.୭%, ୬.୬% ଏବଂ ୬.୨% ରହିଛି ।
ନୂଆ ରିପୋର୍ଟ ଅନୁସାରେ, ଚଳିତବର୍ଷ ସେପ୍ଟେମ୍ବରରେ ଦେଶର ଖୁଚୁରା ମୁଦ୍ରାସ୍ଫୀତି ୫.୫% ରହିଛି, ଯାହାକି ୯ ମାସର ସର୍ବୋଚ୍ଚ ସ୍ତର । ଖାଦ୍ୟପେୟ ସାମଗ୍ରୀ ବିଶେଷ କରି ପନିପରିବା, ଖାଇବା ତେଲ ଏବଂ ଡାଲି ଦରରେ ବୃଦ୍ଧି ଯୋଗୁ ଖୁଚୁରା ମୁଦ୍ରାସ୍ଫୀତି ବୃଦ୍ଧି ପାଇଛି ।
