ନୂଆଦିଲ୍ଲୀ୦୨/୧୧ : ବିମାନ ପରେ ଏବେ ଟ୍ରେନୁରେ ବୋମା ଆତଙ୍କ । କ୍ରାନ୍ତି ଏକ୍ସପ୍ରେସ ଟ୍ରେନରେ ବୋମା ଥିବା ନେଇ ମିଳିଛି ଧମକ । ସୂଚନା ପାଇବା ପରେ ସତର୍କତାମୂଳକ ପଦକ୍ଷେପ ଭାବରେ ଟ୍ରେନକୁ ୟୁପିର ଗୋଣ୍ଡା ଷ୍ଟେସନରେ ଅଟକାଇ ଦିଆଯାଇଥିଲା । ଏହାପରେ ସର୍ଚ୍ଚ ଅପରେସନ କରାଯାଇଥିଲା । କିନ୍ତୁ କୌଣସି ସନ୍ଦେହଜନକ ଜିନିଷ ମିଳିଲା ନାହିଁ । ପରେ ବୋମା ଆତଙ୍କ ଗୁଜବ ବୋଲି କୁହାଯାଇଥିଲା ।
ସୂଚନା ମୁତାବକ, ଗତକାଲି ବିହାରର ଦାରଭଙ୍ଗା ଠାରୁ ନୂଆଦିଲ୍ଲୀ ପର୍ଯ୍ୟନ୍ତ ଚାଲୁଥିବା 12565 ବିହାର ସମ୍ପର୍କ କ୍ରାନ୍ତି ଏକ୍ସପ୍ରେସ ଟ୍ରେନରେ ବୋମା ଥିବା ନେଇ ଦିଲ୍ଲୀ କଣ୍ଟ୍ରୋଲ ରୁମକୁ ଖବର ମିଳିଥିଲା। ଏହା ପରେ ନାଗର କୋଟୱାଲୀ ପୋଲିସ ଟ୍ରେନରେ କୁକୁର ସ୍କାର୍ଡ ସହିତ ଗୋଣ୍ଡାର ଏସପି, ୨ ଏସପି ଏବଂ ସିଭିଲ ପୋଲିସର ୧ ସିଓ ସର୍ଚ୍ଚ ଅପରେସନ କରିଥିଲେ । ଏହି ସମୟ ମଧ୍ୟରେ, ଟ୍ରେନର ସମସ୍ତ ବଗିରେ ଆରପିଏଫ୍ ଏବଂ GRP କର୍ମଚାରୀ ମଧ୍ୟ ଉପସ୍ଥିତ ଥିଲେ । ରେଳବାଇରୁ ମିଳିଥିବା ସୂଚନା ଅନୁଯାୟୀ, ଟ୍ରେନ୍ ଗୋଣ୍ଡା ଷ୍ଟେସନରେ ସନ୍ଧ୍ୟା ୭:୩୨ରେ ପହଞ୍ଚିଥିଲା ଏବଂ ଯାଞ୍ଚ ପରେ ରାତି ୯:୪୫ ରେ ଏହାକୁ ଆଗକୁ ବଢିଥିଲା । ବୋମା ବିଷୟରେ ମିଥ୍ୟା ଖବର ଦେଇଥିବା ଫୋନ୍ ନମ୍ବରକୁ ପୋଲିସ ଏବଂ ରେଳ ପୋଲିସ ଅନୁସନ୍ଧାନ ଜାରି ରଖିଥିବା ସୂଚନା ମିଳିଛି ।
