ବଲାଙ୍ଗୀର,୦୮/୦୮: ବଲାଙ୍ଗୀର ଜିଲ୍ଲା ପୁଇଁତଳା ଥାନା ବୁର୍କାବାହାଲ ଗାଁରେ ଦୁର୍ଘଟଣା । ନାଳକୁ ଖସି ପଡ଼ିଲା ବାଇକ୍ । ଏହି ଦୁର୍ଘଟଣାରେ ଜଣକ ମୃତ୍ୟୁ ହୋଇଥିବା ବେଳେ୨ ଜଣ ଗୁରୁତର ହୋଇଛନ୍ତି । ମୃତକ କୁମରମଣି ମିର୍ଧା ବୋଲି ଜଣା ପଡ଼ିଥିବା ବେଳେ ଗୁରୁତରଙ୍କୁ ଭୀମ ଭୋଇ ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ମୁତାବକ, ଏକ ବାଇକ୍ରେ ୩ ଜଣ ଯୁବକ ତଣ୍ଡାମୁଣ୍ଡା ଗାଁକୁ ଯାଉଥିଲେ । ଏହି ସମୟରେ ବୁର୍କାବାହାଲ ଗାଁରେ ଏକ ନାଳକୁ ବାଇକ୍ଟି ଖସି ପଡ଼ିଥିଲା । ଫଳରେ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଥିଲେ । ଗୁରୁତର ଦ୍ୱୟଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ସମ୍ପର୍କରେ ଖବର ପାଇ ପୁଇଁତଳା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
