ଚନ୍ଦାହାଣ୍ଡି ୨।୧୦ - ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ବିଜୁ ଜନତା ଦଳର ସଭାପତି  ଗୌରହରି ନାୟକଙ୍କ ନେତୃତ୍ୱରେ  ଚନ୍ଦାହାଣ୍ଡି ବ୍ଲକରେ ବିଜୁ ଜନତା ଦଳର ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବରେ ଡାବୁଗାଁ ବିଧାୟକ ମନୋହର ରନ୍ଧାରୀ ଯୋଗ ଦେଇ ଥିଲେ l ସମ୍ମାନୀତ ଅତିଥି  ଭାବରେ   ଜିଲ୍ଲା ବିଜେଡି ସଭାପତି ତଥା ପୂର୍ବତନ ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝି, ପୂର୍ବତନ ଝରିଗାଁ ବିଧାୟକ ପ୍ରକାଶ ଚନ୍ଦ୍ର ମାଝି, ବରିଷ୍ଠ ନେତା ପ୍ରମୋଦ କୁମାର ପାଢ଼ୀ, ପୁରୁଷୋତ୍ତମ ପାରି  ବ୍ଲକ ଉପାଧ୍ୟକ୍ଷ ବାସୁଦେବ ଗୌଡ଼ ପ୍ରମୁଖ ମଞ୍ଚାସିନ ରହିଥିଲେ l   

ବିଜେଡି କାର୍ଯ୍ୟକର୍ତ୍ତା  ଚନ୍ଦାହାଣ୍ଡି ହାଟପଦା ଠାରୁ  ପାନାବେଡା ମହାବିଦ୍ୟାଳୟ ପର୍ଯ୍ୟନ୍ତ  ଦଳୀୟ ନାରାବାଜି ଦେବା ସହ  ମହିଳା ଏବଂ ପୁରୁଷ କର୍ମୀ   ବାଦ୍ୟର ତାଳେ ତାଳେ ନୃତ୍ୟ ପରିବେଶଣ କରି ଏକ ବିରାଟ ଶୋଭାଯାତ୍ରାରେ ବାହାରିଥିଲେ l  ଏହା ପରେ ଚନ୍ଦାହାଣ୍ଡି ହାତପଦା ଠାରେ ବିଜୁ ଜନତା ଦଳର ସଭାପତି ଗୌର ହରି ନାୟକଙ୍କ ସଭାପତିତ୍ୱରେ ଏକ ଦଳୀୟ ବୈଠକ ଅନୁଷ୍ଠିତ ହୋଇଥିଲା l ବୈଠକରେ ବିଜୁ ଜନତା ଦଳର ଶାସନ କାଳରେ ପ୍ରଣିତ ବିଭିନ୍ନ ଜନହିତକର ଯୋଜନା ସମ୍ପର୍କରେ  କହିଥିଲେ।    ବର୍ତ୍ତମାନର ବିଜେପି ସରକାର ଜନସାଧାରଣଙ୍କୁ  ମିଛ ପ୍ରତିଶ୍ରୁତି ଦେଇ ଭୋଟ ହାତେଇ କ୍ଷମତା ଦଖଲ ପରେ ପ୍ରତିଶ୍ରୁତି ଭୁଲିଯିବାକୁ ନେଇ ସମାଲୋଚନା କରାଯାଇଥିଲା l   ଏଥିରେ ଯୁବ ନେତା ତ୍ରିନାଥ ଦାଶ, ମୋତିଲାଲ ସାହୁ, ପୂନ୍ୟଶେଖର ପାରି, ଯୁଗେଶ୍ବର ନାଗ ପ୍ରମୁଖ କର୍ମୀ ଏବଂ କାର୍ଯ୍ୟକର୍ତ୍ତା ଉପସ୍ଥିତ ରହିବା ସହ ୨ହଜାର ରୁ ଊର୍ଦ୍ଧ ଜନସାଧାରଣ ଉପସ୍ଥିତ ରହିଥିଲେ l