ଭୁବନେଶ୍ୱର, ୦୬/୦୪: ଆଜି ପ୍ରତିଷ୍ଠା ଦିବସ ପାଳିବ ବିଜେପି । ରାଜ୍ୟ ମୁଖ୍ୟାଳୟ ସମେତ ପ୍ରତି ମଣ୍ଡଳସ୍ତରରେ ପ୍ରତିଷ୍ଠା ଦିବସ କାର୍ଯ୍ୟକ୍ରମ ହେବ । ବୁଥ୍ସ୍ତରରେ ଟିଫିନ୍ ବୈଠକଠାରୁ ନେଇ ଜନସମ୍ପର୍କ କାର୍ଯ୍ୟକ୍ରମ ଆୟୋଜନ ପାଇଁ ଦଳ ଲକ୍ଷ୍ୟ ରଖିଛି । ଦଳୀୟ କାର୍ଯ୍ୟାଳୟରେ ପତାକା ଉତ୍ତୋଳନ କରାଯିବ ।
ରାମନବମୀ ଥିବାରୁ ବିଭିନ୍ନ ଜିଲ୍ଲାରେ ୭ ତାରିଖରେ ବି ପ୍ରତିଷ୍ଠା ଦିବସ ପାଳନ କରାଯିବ । ବିଧାୟକ, ସାଂସଦ ଓ ଦଳୀୟ ପଦାଧିକାରୀମାନେ ନିଜ ଘର ଆଗରେ ଦଳ ପତାକା ଉଡ଼ାଇବେ । ଏହାକୁ ‘ବିଜେପି ଫର୍ ବିକଶିତ ଭାରତ’ ହ୍ୟାସଟ୍ୟାଗ ଦେଇ ସୋସିଆଲ ମିଡିଆରେ ପୋଷ୍ଟ କରାଯିବ । କାର୍ଯ୍ୟକର୍ତ୍ତା ନିଜ ଘରେ ଦଳୀୟ ପତାକା ଉଡ଼ାଇବେ । ବୁଥ୍ସ୍ତରରେ ଟିଫିନ୍ ବୈଠକ ହେବ । ପ୍ରତି ବୁଥ୍ରୁ ୨୦୦ ପ୍ରାଥମିକ ସଦସ୍ୟ ସାମିଲ ହେବେ ବୋଲି ରାଜ୍ୟ ସଭାପତି ମନମୋହନ ସାମଲ କହିଛନ୍ତି । ଆମ୍ବେଦକର ଜୟନ୍ତୀ ଯାଏ ଜନସମ୍ପର୍କ କାର୍ଯ୍ୟକ୍ରମ ହେବ । କାର୍ଯ୍ୟକର୍ତ୍ତା ଘରକୁ ଘର ଯାଇ ଦଳର ଆଦର୍ଶ ପ୍ରଚାର କରିବେ । ୧୧ରେ ପୁରୀ ସ୍ୱାମୀ ନାରାୟଣ ମନ୍ଦିରରେ ବିଧାୟକ, ସାଂସଦଙ୍କ ପ୍ରଶିକ୍ଷଣ ଶିବିର ହେବ । ଜେପି ନଡ୍ଡା ଶିବିର ଉଦ୍ଘାଟନ କରିବେ ।
