ନୀଳଗିରି,୩୧/୧ : ସୋନିଆ ଗାନ୍ଧି ରାଷ୍ଟ୍ରପତିଙ୍କ ଉଦେଶ୍ୟରେ ଦେଇଥିବା ଅପମାନ ଜନକ ବକ୍ତବ୍ୟ ପ୍ରତିବାଦରେ ଆଜି ନୀଳଗିରି ବିଜେପି ପକ୍ଷରୁ ରାତିରେ ବିକ୍ଷୋଭ ପ୍ରଦର୍ଶନ କରିବା ସହ କୁଶ ପୁତ୍ତଳିକା ଦାହ କରାଯାଇଛି । ରାଷ୍ଟ୍ରପତି ବଜେଟ ଅଧିବେଶନରେ ବକ୍ତବ୍ୟ ରଖିଥିଲେ । ଏହାପରେ ସୋନିଆ ଗାନ୍ଧୀ ତାଙ୍କ ଉଦ୍ଦେଶ୍ୟରେ କିଛି କହିବା ପରେ ବିଜେପି ଏହାକୁ ସହଜରେ ଗ୍ରହଣ କରି ନାହିଁ।
ସାରା ଦେଶରେ ଏହାର ପ୍ରତିବାଦ କରିଛି ବିଜେପି। ଅନୁରୂପ ଭାବେ ଆବି ନୀଳଗିରି ବିଜେପି ତରଫରୁ ସ୍ଥାନୀୟ ବିଧାୟକ ସନ୍ତୋଷ ଖଟୁଆଙ୍କ ନେତୃତ୍ୱରେ ଶତାଧିକ ବିଜେପି କର୍ମୀ ସୋନିଆ ଗାନ୍ଧୀଙ୍କ ବିରୁଦ୍ଧରେ ନାରା ଦେଇ ବିକ୍ଷୋଭ ପ୍ରଦର୍ଶନ କରିଛନ୍ତି । ଏପରିକି ସୋନିଆ ଗାନ୍ଧୀଙ୍କ କୁଶ ପୁତ୍ତଳିକା ଦାହ କାରିଥିଲେ । ଏଥିରେ ସାଂସଦଙ୍କ ବ୍ୟକ୍ତିଗତ ସହାୟକ ଚନ୍ଦ୍ରବିନ୍ଦୁ ଦାସ, ଏନଏସି ଚେୟାରମ୍ୟାନ ମହେନ୍ଦ୍ରନାଥ ବେହେରା, ବିଜେପି କର୍ମୀ କରୁଣାକର ପଣ୍ଡା, ସମରଶଙ୍କର କାନୁନଗୋ, ସୂର୍ଯ୍ୟକାନ୍ତ ବିଶ୍ୱାଳ, ପ୍ରଫୁଲ ଦଳେଇଙ୍କ ସମେତ ବହୁ ବିଜେପି କର୍ମୀ ଉପସ୍ଥିତ ଥିଲେ।
