ମୁମ୍ବାଇ,୧୧/୧୧: ମହାରାଷ୍ଟ୍ର ନିର୍ବାଚନକୁ ନେଇ ରଜାନୀତି ପାଣିପାଗ ସରଗରମ ରହିଛି । ବିଧାନସଭା ନିର୍ବାଚନକୁ ଆଉ ମାତ୍ର ୮ ଦିନ ବାକି ରହିଛି । ଏହା ପୂର୍ବରୁ ରାଜନୈତିକ ଦଳ ମଧ୍ୟରେ ବାକଯୁଦ୍ଧ ଓ ବୟାନବାଜି ଆରମ୍ଭ ହୋଇଯାଇଛି । ବିଜେପିର 'ବଟେଙ୍ଗେ ତୋ କଟେଙ୍ଗେ' ନାରା ବିବାହ କାର୍ଡରେ ଛପା ହେବା ପରେ ଏବେ ଆଉ ଏକ ସ୍ଲୋଗାନ ଖବରକାଗଜରେ ବାହାରିଛି । ଏହାକୁ ନେଇ ରାଜନୀତି ଆହୁରି ସରଗରମ ହୋଇଛି ।
କିଛି ଦିନ ତଳେ କଂଗ୍ରେସକୁ ଟାର୍ଗେଟ କରି ମହାରାଷ୍ଟ୍ରର ଧୂଲେରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ଏକ ହୈ ତୋ ସେଫ୍ ହୈ' ସ୍ଲୋଗାନ ଦେଇଥିଲେ । ଏହି ନାରା ସହ ଜଡିତ ଏକ ବିଜ୍ଞାପନ ମହାରାଷ୍ଟ୍ରର ଏକ ଖବରକାଗଜରେ ବିଜେପି ପ୍ରକାଶ କରିଛି । ଯାହାକୁ ନେଇ ରାଜନୀତି ଜୋର୍ ଧରିଛି । ବିଜେପିକୁ ଟାର୍ଗେଟ କରିଛନ୍ତି ବିରୋଧୀ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କଂଗ୍ରେସକୁ ଟାର୍ଗେଟ କରି ଏକ ଜନସଭାରେ 'ଏକ ହୈ ତୋ ସେଫ୍ ହୈ' ନାରା ଦେଇଥିଲେ । ଏହାକୁ କଂଗ୍ରେସ ଓ ଅନ୍ୟ ବିରୋଧୀ ଦଳ କଡା ସମାଲୋଚନା କରିଥିଲେ ।
ଏବେ ଏହି ନାରା ସହ ଜଡିତ ବିଜ୍ଞାପନ ଖବରକାଗଜରେ ବାହାରିବା ପରେ ବିରୋଧୀ ବିଜେପିକୁ ଜୋରଦାର ଆଟାକ କରିଛନ୍ତି । ବିଜ୍ଞାପନରେ ବିଜେପି, ମହାୟୁତି ଓ ଶିବେସେନା ଦଳର ମେଣ୍ଟକୁ ଦର୍ଶାଇଛି । ଏହା ପରେ ବିରୋଧୀଙ୍କ ଟାର୍ଗେଟର ଶିକାର ହୋଇଛି ଭାଜପା । ବିଜେପି ଭୟ ଓ ଅସୁରକ୍ଷିତତାର ଫାଇଦା ଉଠାଇବାକୁ ଚାହୁଁଛି, ଯାହା ସାମାଜ ଉପରେ ପ୍ରଭାବ ପକାଉଛି । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କହିଛନ୍ତି ଦେଶ ପାଇଁ ପ୍ରକୃତ ବିପଦ ହେଉଛି ବିଜେପି ଓ ଆରଏସଏସ ।
