ନୂଆଦିଲ୍ଲୀ,୨୪/୦୩: ବିମାନ ନିର୍ମାତା କମ୍ପାନି ବୋଇଂ ଭାରତରେ ୧୮୦ କର୍ମଚାରୀଙ୍କୁ ଛଟେଇ କରିଛି । ସାରା ବିଶ୍ୱରେ କର୍ମଚାରୀ ଛଟେଇ ଯୋଜନାର ଅଂଶ ଭାବେଏଭଳି କାର୍ଯ୍ୟକ୍ରମ ଗ୍ରହଣ କରାଯାଇଛି ବୋଲି କମ୍ପାନି କହିଛି ।
ଖର୍ଚ୍ଚ କାଟ ଏବଂ ପରିଚାଳନା ଟିମ୍ରେ ଜରୁରୀ ପରିବର୍ତ୍ତନ ଆଧାରରେ କମ୍ପାନି ବାଙ୍ଗାଲୋରର ଇଞ୍ଜିନିୟରିଂ ଏବଂ ଟେକ୍ନୋଲୋଜି କେନ୍ଦ୍ରରେ ୧୮୦ କର୍ମଚାରୀଙ୍କୁ କାଢ଼ି ଦେଇଛି । ବର୍ତ୍ତମାନ ବିଶ୍ୱ ବଜାରର ଚ୍ୟାଲେଞ୍ଜିଂ ସ୍ଥିତିକୁ ସାମ୍ନା କରୁଛି କମ୍ପାନି । ଘରୋଇ ବଜାରରେ ବୋଇଂର ୭ ହଜାର କର୍ମଚାରୀ ରହିଛନ୍ତି । ବୋଇଂ ଲାଗି ଭାରତ ଏକ ପ୍ରମୁଖ ବଜାର ଭାବେ ଉଭା ହୋଇଛି । ମୋଟ କର୍ମଚାରୀଙ୍କ ମଧ୍ୟରୁ ୧୦% କର୍ମଚାରୀ କାଢ଼ିବା ନେଇ ପୂର୍ବରୁ କମ୍ପାନି ଘୋଷଣା କରିଥିଲା ।
