ବାଙ୍କୀ, ୦୯/୧୧: କଇଁମୁଣ୍ଡି ଛକ ପାଖରେ ଠିକା ସଂସ୍ଥା ଗାଡ଼ି ଉପରକୁ ଦୁଇଟି ବୋମା ମାଡ଼ ହୋଇଛି । ରାତି ୩ ଟାରେ କଳା ପଲ୍ସରରେ ଆସି ବୋମା ମାଡ଼ କରିଛନ୍ତି ଦୁର୍ବୃତ୍ତ । ଏହି ବୋମା ମାଡ଼ ଦାଦାବଟିକୁ କେନ୍ଦ୍ର କରି ନେଇ ହୋଇଥିବା ଜଣାପଡିଛି । କଟକ ଜିଲ୍ଲା ବାଙ୍କୀ ଅଞ୍ଚଳର କଇଁମୁଣ୍ଡି ଛକ ପାଖରେ ଘଟିଛି ।
ସୂଚନା ମୁତାବକ, ବିରଜା କଂନଷ୍ଟ୍ରକ୍ସନ ନାମକ ଏକ ଠିକା ସଂସ୍ଥା କଇଁମୁଣ୍ଡି ବ୍ରିଜ୍ର କାମ ହାତକୁ ନେଇଛି । ତେବେ ଶକ୍ରବାର ରାତି ୩ଟାରୋ ଏକ କଳା ପଲ୍ସରରେ ଆସି ଠିକା ସଂସ୍ଥାର ଗାଡ଼ି ଉପରକୁ ଦୁଇଟି ବୋମା ମାଡ଼ କରିଥିଲେ ଦୁର୍ବୃତ୍ତ । ସଂସ୍ଥାର କର୍ମଚାରୀ ମାନେ ବୋମା ମାଡ଼ ହୋଇଥିବା ବିଷୟରେ ମାଲିକଙ୍କୁ ଜଣାଇଥିଲେ । ଏହା ଜାଣି ସେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବାଙ୍କୀ ପୋଲିସ ପହଞ୍ଚିଥିଲା । ସେଠାରେ ପହଞ୍ଚି ଘଟଣାର ତଦନ୍ତ ଚଳାଇଥିବା ବେଳେ ଦାଦାବଟିକୁ କେନ୍ଦ୍ର କରି ଏହି ବୋମା ମାଡ଼ ହୋଇଥିବା ସୂଚନା ମିଳିଛି ।
