ଭଦ୍ରକ,୯।୧୨: ଘର ଭିତରୁ ମିଳିଲା ପୁଳା ପୁଳା ଟଙ୍କା । ଭଦ୍ରକ ସହରର ଏଲେଖା ନିକଟ ଏକ ଘର ଉପରେ ପୋଲିସ ଚଢାଉ କରି ବିପୁଳ ଟଙ୍କା ଜବତ କରିଛି । ବିଡା ବିଡା ବନ୍ଧା ହୋଇ ଘରେ ରଖାଯାଇଥିବା ଟଙ୍କା ମିଳିଛି। ୩ ଜଣ ଥାନା ଅଧିକାରୀଙ୍କ ଉପସ୍ଥିତିରେ ୧୫ରୁ ୨୦ ଜଣ ପୋଲିସ କର୍ମଚାରୀ ମେସିନରେ ଜବତ ଟଙ୍କା ଗଣୁଛନ୍ତି । ବେଆଇନ ଭାବେ ଘରେ ଟଙ୍କା ଗଚ୍ଛିତ ଥିବା ସନ୍ଦେହରେ ପୋଲିସ ଚଢାଉ କରିଥିଲା ।
ଇଣ୍ଟେଲିଜେନ୍ସ ଆଧାରରେ ଚଢ଼ାଉ କରାଯାଇଛି । ବିପୁଳ ବ୍ରାଉନ ସୁଗାର ଜବତ ହୋଇଛି । ୨୫ ଲକ୍ଷ ଟଙ୍କା ମିଳିଛି । ଆହୁରି ଗଣା ଚାଲିଛି । ଏହି ସହ ଜଣେ ମହିଳାଙ୍କୁ ଅଟକ ରଖିଛୁ ବୋଲି ଭଦ୍ରକ ଏସପି କହିଛନ୍ତି।
