ନୂଆଦିଲ୍ଲୀ: ଶୁକ୍ରବାର ସକାଳୁ ମଧ୍ୟ ଭିଏତନାମରେ ଏକ ଭୟଙ୍କର ବସ୍ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ୯ ଜଣଙ୍କ ମୃତ୍ୟୁ ହୋଇଛି, ଏଥି ସହିତ ୧୬ ଜଣ ଆହତ ହୋଇଛନ୍ତି । ଦୁର୍ଘଟଣାରେ କିଛି ନୀରିହ ଶିଶୁଙ୍କର ମଧ୍ୟ ଜୀବନ ଯାଇଛି ।
ଏହି ଦୁର୍ଘଟଣା ହା-ତିହ୍ନ ପ୍ରଦେଶରେ ପାଖାପାଖି ୧.୪୫ (ସ୍ଥାନୀୟ ସମୟ) ରେ ହୋଇଛି । ଏଠାରେ ଏକ ବସ୍ ରାଜଧାନୀ ହନୋଇରୁ ଦାନଙ୍ଗ୍ ଯାଉଥିଲା । ଏହି ସମୟରେ ଗାଡିଟି ହଠାତ ରାସ୍ତା ତଳକୁ ଖସି ଯାଇଥିଲା ଏବଂ କିଛି ଟ୍ରାଫିକ୍ ସାଇନବୋର୍ଡକୁ ଧକ୍କା ଦେଇଥିଲା । ଏହା ପରେ ଭାରସାମ୍ୟ ହରାଇଥିବା ବସ୍ଟି ଓଲଟି ପଡିଥିଲା । ଦୁର୍ଘଟଣାରେ ପ୍ରାଣ ହରାଇଥିବା ଲୋକଙ୍କ ବୟସ ୪ ରୁ ୪୯ ବର୍ଷ ମଧ୍ୟରେ ହେବ। ସମସ୍ତ ଆହତ ଯାତ୍ରୀଙ୍କୁ ଚିକିତ୍ସା ପାଇଁ ନିକଟସ୍ଥ ହସପିଟାଲରେ ଭର୍ତ୍ତି କରାଯାଇଛି । ଏକ ସରକାରୀ ସୂତ୍ରକୁ ଉଦ୍ଧୃତ କରି ଅଲ୍ ଅରବିଆ ରିପୋର୍ଟ କରିଛି ଯେ, କିଛି ଲୋକ ଗୁରୁତର ହୋଇଛନ୍ତି । ତେବେ ଭିଏତନାମରେ ସଡକ ଦୁର୍ଘଟଣା ପ୍ରାୟତଃ ହୋଇଥାଏ ।
ସରକାରୀ ତଥ୍ୟ ଅନୁସାରେ, ଗତ ୬ ମାସରେ ସଡକ ଦୁର୍ଘଟଣାରେ ୫୦୨୪ ଲୋକଙ୍କ ମୃତ୍ୟୁ ହୋଇଛି । ଅଲ୍ ଅରବିଆ ରିପୋର୍ଟ ଅନୁସାରେ ଏହି ସଂଖ୍ୟା ୨୦୨୪ ରେ ଏହି ସମୟରେ ୫୩୪୩ ଜଣଙ୍କ ମୃତ୍ୟୁ ହୋଇଥିଲା ।
