ଭୁବନେଶ୍ୱର ୦୪/୦୧: କେବେ କେବେ ଡେଡ୍ଲାଇନ୍ରେ କିମ୍ବା ଜଲ୍ଦି କାମ ସାରିବାକୁ ଯାଇ କିଛି ଲୋକ ଅଫିସ୍ରେ ମଧ୍ୟାହ୍ନ ଭୋଜନ କରିବାକୁ ଭୁଲିଯାଇଥାନ୍ତି । କିନ୍ତୁ କେବେ ଭାବିଛନ୍ତି ଏହା ଶରୀର ପାଇଁ କେତେ କ୍ଷତିକାରକ? ପ୍ରାରମ୍ଭିକ ପର୍ଯ୍ୟାୟରେ ଏହାର କ୍ଷତି ଆମକୁ ଦେଖାଯାଇ ନଥାଏ । କିନ୍ତୁ ଦୀର୍ଘଦିନ ପରେ ଏହାର ପ୍ରଭାବ ଶରୀର ଉପରେ ଦେଖିବାକୁ ମିଳିଥାଏ । ବିଶେଷକରି ହୃଦୟ ପାଇଁ ଏହା କ୍ଷତିକାରକ ସାବ୍ୟସ୍ତ ହୋଇଥାଏ ।
ଭୋଜନ ଅବହେଳାରୁ ହେଉଥିବା କ୍ଷତି :
ଶକ୍ତି ସ୍ତର କମିବା: ଖାଦ୍ୟ ନ ଖାଇବା ଦ୍ୱାରା ଶରୀରରୁ ଶକ୍ତି କମ୍ ହୋଇଥାଏ । ଫଳରେ ଥକ୍କା ଓ ଦୁର୍ବଳ ଅନୁଭବ ହୋଇଥାଏ ।
ମେଟାବଲିଜିମ୍ ଧୀମା ହେବା: ନିୟମିତ ଭାବେ ଖାଦ୍ୟ ନ ଖାଇବା ଯୋଗୁ ମେଟାବଲିଜିମ୍ ଧୀମା ହୋଇଯାଇଥାଏ । ଫଳରେ ଓଜନ ବଢିବା ପରି ସମସ୍ୟା ଦେଖା ଦେଇଥାଏ ।
ରକ୍ତରେ ଶର୍କରାସ୍ତର କମିବା: ଭୋକରେ ରହିବା ଯୋଗୁ ରକ୍ତରେ ଶର୍କରା ସ୍ତର କମିଯାଏ । ଫଳରେ ଚିଡ୍ଚିଡାପଣ, ମୁଣ୍ଡବିନ୍ଧା ଓ ଥକ୍କାପଣ ପରି ସମସ୍ୟାମାନ ଦେଖା ଦେଇଥାଏ ।
ପାଚନତନ୍ତ୍ର ଉପରେ ପ୍ରଭାବ: ଖାଇବାରେ ଅନିୟମିତତା ଯୋଗୁ ପାଚନତନ୍ତ୍ର ଖରାପ ହେବାର ଆଶଙ୍କା ଉପୁଜିଥାଏ । ଫଳରେ ଏସିଡିଟି, କବ୍ଚ ପରି ସମସ୍ୟାମାନ ଦେଖା ଦେଇଥାଏ ।
ହୃଦୟ ସମ୍ବନ୍ଧୀୟ ସମସ୍ୟା: ନିୟମିତ ଭାବେ ଖାଦ୍ୟ ନ ଖାଇବା ଦ୍ୱାରା ଓଜନ ବଢିବା ସହ ଶର୍କରାସ୍ତର କମ୍ ରହିଥାଏ । ଫଳରେ ହୃଦୟ ସମ୍ବନ୍ଧୀୟ ରୋଗର ଆଶଙ୍କା ବଢିଥାଏ ।
ହୃଦୟ ପାଇଁ କେମିତି କ୍ଷତିକାରକ?
ରକ୍ତଚାପ ବଢିବା: ସମୟରେ ଖାଦ୍ୟ ନ ଖାଇବା ଦ୍ୱାରା ଶରୀରରେ ଷ୍ଟ୍ରୋସ୍ ହର୍ମୋନ୍ର ସ୍ତର ବଢିଥାଏ । ଫଳରେ ରକ୍ତଚାପ ବଢିଥାଏ । ଉଚ୍ଚ ରକ୍ତଚାପ ହୃଦୟ ରୋଗର ଅନ୍ୟତମ ପ୍ରମୁଖ କାରଣ ।
କୋଲେଷ୍ଟେରଲ୍ ସ୍ତର ବଢିବା: ଅନିୟମିତ ଖାଦ୍ୟ ପ୍ରଣାଳୀ ଯୋଗୁ ଶରୀରରେ ଖରାପ କୋଲେଷ୍ଟେରଲ୍ ସ୍ତରରେ ଅସନ୍ତୁଳନ ଆସିଥାଏ । ଉଚ୍ଚ କୋଲେଷ୍ଟେରଲ୍ ହୃଦୟ ରୋଗ ପାଇଁ ଗୁରୁତ୍ୱପୂର୍ଣ୍ଣ କାରଣ ସାଜିଥାଏ ।
ପ୍ରଦାହ: ଠିକ୍ ସମୟରେ ଖାଦ୍ୟ ନ ଖାଇବା ଦ୍ୱାରା ଶରୀରରେ ପ୍ରଦାହ ବଢିଥାଏ, ଯାହା ହୃଦୟ ରୋଗ ପାଇଁ ରିସ୍କ ଫ୍ୟାକ୍ଟର ସାବ୍ୟସ୍ତ ହୁଏ ।
ଖାଆନ୍ତୁ ସ୍ୱାସ୍ଥ୍ୟକର ଖାଦ୍ୟ:
ସକାଳ ଜଳଖିଆ ନିଶ୍ଚୟ ଖାଆନ୍ତୁ: ସକାଳ ଭୋଜନରେ ଦହି, ଫଳ, ଶସ୍ୟଜାତୀୟ ଖାଦ୍ୟ ନିଶ୍ଚୟ ସାମିଲ୍ କରନ୍ତୁ ।
ମଧ୍ୟାହ୍ନ ଭୋଜନ: ଭୋଜନରେ ସବୁଜ ପରିବା, ସାଲାଡ୍ ଓ ଫଳ ସାମିଲ୍ କରନ୍ତୁ । ଭରପୂର ପାଣି ପିଅନ୍ତୁ: ଦିନରେ ଭରପୂର ମାତ୍ରାର ପାଣି ନିଶ୍ଚୟ ପିଅନ୍ତୁ ।
ଜଙ୍କ୍ଫୁଡ୍କୁ ନା’: ଯଥାସମ୍ଭବ ଜଙ୍କଫୁଡ୍ଠାରୁ ଦୂରେଇ ରୁହନ୍ତୁ । କାମ ମଝିରେ ବ୍ରେକ୍ ନିଅନ୍ତୁ: କାମର ମଝିରେ ମଝିରେ ସମାନ୍ୟ ବ୍ରେକ୍ ନେବା ସହ କିଛି ସ୍ୱାସ୍ଥ୍ୟକର ନିଶ୍ଚୟ ଖାଆନ୍ତୁ । ଖାଇବା
ସମୟ ସ୍ଥିର ରଖନ୍ତୁ: ନିୟମିତ ଏକ ନିଦ୍ଧି ର୍ଷ୍ଟ ସମୟରେ ଖାଇବାକୁ ଚେଷ୍ଟା କରନ୍ତୁ ।
