ନୂଆଦିଲ୍ଲୀ : କାନାଡା ସରକାର ଭାରତ ପାଇଁ ନିଜର ଟ୍ରାଭେଲ ଆଡଭାଇଜରୀକୁ କରିଛି ଅପଡେଟ୍। ସେ ନିଜର ନାଗରିକଙ୍କୁ ଜମ୍ମୁ-କାଶ୍ମୀର , ପାକିସ୍ତାନ ସହ ସୀମାବର୍ତ୍ତୀ ଅଞ୍ଚଳର ଯାତ୍ରାରୁ ଦୂରେଇ ରହିବାକୁ କହିଛି। ଏହାସହ ଏହି ଚେତାବନୀ ଦେଇଛି ଯେ , ଅଟାରୀ –ୱାଘା ସୀମା ବର୍ତ୍ତମାନ ବନ୍ଦ ଅଛି। ଏହି ଅପଡେଟ୍ ଗତ ସପ୍ତାହ ପହଲଗାମରେ ପର୍ଯ୍ୟଟକଙ୍କ ଉପରେ ଆତଙ୍କୀ ହମଲା ପରେ ଜାରି କରାଯାଇଛି। ଆଡଭାଇଜରୀରେ କୁହାଯାଇଛି, ଜମ୍ମୁ ଓ କାଶ୍ମୀର କେନ୍ଦ୍ର ଶାସିତ ପ୍ରଦେଶରେ ସୁରକ୍ଷା ସ୍ଥିତି ଉତ୍ତେଜନାପୂର୍ଣ୍ଣ ରହିଛି। ହିଂସାତ୍ମକ ବିକ୍ଷୋଭ ପ୍ରଦର୍ଶନ , ନାଗରିକ ଅଶାନ୍ତି ଓ ଆତଙ୍କବାଦ ଓ ଉଗ୍ରବାଦର ଖୁବ୍ ଗୁରୁତ୍ତ୍ୱପୂର୍ଣ୍ଣ ରହିଛି। ଏଥିରେ ଲଦ୍ଦାଖ କେନ୍ଦ୍ର ଶାସିତ ରାଜ୍ୟକୁ ଚେତାବନୀ ଠାରୁ ବାହାରେ ରଖାଯାଇଛି।
ଆଡଭାଇଜରୀରେ କୁହାଯାଇଛି , ଉଗ୍ରବାଦୀ ଓ ସୁରକ୍ଷା ବାହିନୀ ମଧ୍ୟରେ ହିଂସାତ୍ମକ ବିବାଦ ନିୟମିତ ଭାବେ ହୋଇଥାଏ। ସୁରକ୍ଷା ବାହିନୀ ବିରୋଧରେ ଆତଙ୍କୀ ହମଲା କାରଣରୁ ନାଗରିକଙ୍କୁ ମଧ୍ୟ କ୍ଷତି ହୋଇଛି। ଆଗକୁ କୌଣସି ବି ସମୟରେ ହମଲା ହୋଇ ପାରେ। ଏହି ସ୍ଥିତିରେ ଆପଣ ନିଜକୁ ଭୁଲ ସମୟରେ ଭୁଲ୍ ସ୍ଥାନ ପାଇ ପାରନ୍ତି। ଏଥିରେ କୁହାଯାଇଛି ଯେ, ପାକିସ୍ତାନ ସହ ସୀମାରେ ସୁରକ୍ଷା ସ୍ଥିତି ଅସ୍ଥିର ରହିଛି। ବିଶେଷକରି ନିୟନ୍ତ୍ରଣ ରେଖାରେ , ଯାହା ଜମ୍ମୁ କାଶ୍ମୀର ଓ ଲଦ୍ଦାଖ କେନ୍ଦ୍ର ଶାସିତ ରାଜ୍ୟକୁ ପାକିସ୍ତାନ ପ୍ରଶାସିତ କାଶ୍ମୀର ଠାରୁ ଅଲଗା କରିଥାଏ।
କାନାଡା ସରକାରଙ୍କ ପକ୍ଷରୁ ଜାରି ଆଡଭାଇଜରୀରେ ଆହୁରି କୁହାଯାଇଛି, ନିୟନ୍ତ୍ରଣ ରେଖା ନିକଟରେ ସମୟାନୁସାରେ ଗୁଳିକାଣ୍ଡ ହେଉଛି। ଗୁଜରାଟ , ପଞ୍ଜାବ ଓ ରାଜସ୍ଥାନ ଭଳି ରାଜ୍ୟ ଗୁଡ଼ିକରେ ପାକିସ୍ତାନୀ ସୀମାରୁ ୧୦ କିଲୋ ମିଟରର ପରିସରରେ ଯାତ୍ରା ନକରିବାକୁ ପରାମର୍ଶ ଦିଆ ଯାଇ ଥାଏ, କାରଣ ସୁରକ୍ଷା ସ୍ଥିତି ଅନିଶ୍ଚିତ ରହିଛି। ଏଥିରେ କୁହାଯାଇଛି ଯେ କାନାଡୀୟ ନାଗରିକଙ୍କୁ ଭାରତରେ ଅତ୍ୟଧିକ ସାବଧାନତା ଅବଲମ୍ୱନ କରିବାର ଆବଶ୍ୟକତା ଅଛି।
ଆଡଭାଇଜରୀ ମୁତାବିକ , ଭାରତ ଓ ପାକିସ୍ତାନ ମଧ୍ୟରେ ଉତ୍ତେଜନା ସ୍ତର ହଠାତ୍ ବଦଳି ପାରେ। ଉଭୟ ଦେଶ ମଧ୍ୟରେ ଯାତ୍ରା ସମୟରେ ଆପଣଙ୍କୁ ମୁସ୍କିଲର ସାମ୍ନା କରିବାକୁ ପଡ଼ିପାରେ। ଯଦି କେଉଁ ଗୋଟିଏ ଦେଶର ଅଧିକାରୀଙ୍କୁ ଜଣାପଡ଼େ କି, ଆପଣ ନିକଟରେ ଅନ୍ୟ ଦେଶ ଯାତ୍ରା କରିଛନ୍ତି ତ ଆପଣଙ୍କର ଯାଞ୍ଚ ହୋଇପାରେ । ଏଥିପଇଁ ସଜାଗ ରହିବାର ଆବଶ୍ୟକତା ରହିଛି।
