ନୂଆଦିଲ୍ଲୀ,୨୯/୦୭: କେରଳର ନର୍ସ ନିମିଷା ପ୍ରିୟାଙ୍କର ମୃତ୍ୟୁଦଣ୍ଡ ରଦ୍ଦ ହୋଇଥିବା ନେଇ ଆଜି ସକାଳୁ ସକାଳୁ ଖବର ପ୍ରକାଶ ପାଇଥିଲା । ପରିବାରରେ ଖୁସିର ମାହୋଲ ଥିଲା । ହେଲେ ନିମିଷକେ ସବୁ କିଛି ଉଭେଇଗଲା । ନର୍ସ ନିମିଷାଙ୍କ ମୃତ୍ୟୁଦଣ୍ଡ ପ୍ରତ୍ୟାହାର ଦାବିକୁ ଖଣ୍ଡନ କରିଛନ୍ତି ଭାରତ ସରକାର । ଖବରରେ କୌଣସି ସଠିକତା ନଥିବା କହିଛନ୍ତି ଭାରତର ବୈଦେଶିକ ମନ୍ତ୍ରଣାଳୟ । ଏ ନେଇ ବିଶେଷ ସୁତ୍ରରୁ ଖବର ପ୍ରକାଶ ପାଇଛି ।
ୟେମେନ ନାଗରିକଙ୍କୁ ହତ୍ୟା ଅଭିଯୋଗରେ ନିମିଷାଙ୍କୁ ଫାଶୀଦଣ୍ଡ ମିଳିଥିଲା । ପୂର୍ବରୁ ସ୍ଥାନୀୟ କୋର୍ଟ ଦଣ୍ଡାଦେଶକୁ ସ୍ଥଗିତ କରିଥିଲେ । ଆଜି 'ଗ୍ରାଣ୍ଡ ମୁଫତି ଅଫ ଇଣ୍ଡିଆ' କାନ୍ଥାପୁରମ ଏପି ଅବୁବାକର ମୁସଲିୟାରଙ୍କ କାର୍ଯ୍ୟାଳୟ ନିମିଷାଙ୍କ ଫାଶୀଦଣ୍ଡ ବାତିଲ୍ କରାଯାଇଥିବା ନେଇ ଖବର ପ୍ରକାଶ ପାଇଥିଲା । ମାତ୍ର ଏ ଖବରକୁ ଖଣ୍ଡନ କରିଛି ଭାରତର ବୈଦେଶିକ ମନ୍ତ୍ରଣାଳୟ । ୨୦୧୭ରେ ୟେମେନର ଜଣେ ନାଗରିକଙ୍କ ହତ୍ୟା ମାମଲାରେ ଦୋଷୀ ସାବ୍ୟସ୍ତ ହୋଇଥିଲେ। ୟେମେନ କର୍ତ୍ତୃପକ୍ଷଙ୍କ ଦ୍ୱାରା ଫାଶୀ ଦଣ୍ଡାଦେଶକୁ ସମ୍ପୂର୍ଣ୍ଣ ରଦ୍ଦ କରାଯାଇଛି ବୋଲି 'ଗ୍ରାଣ୍ଡ ମୁଫ୍ତି ଅଫ ଇଣ୍ଡିଆ' ପକ୍ଷରୁ ଘୋଷଣା କରାଯାଇଥିଲା । ଏହା ମିଥ୍ୟା ହୋଇଥିବା ନେଇ ବିଶେଷ ସୁତ୍ରରୁ ପ୍ରକାଶ ପାଇଛି
ଅଧିକ ପଢନ୍ତୁ...ଭାରତର ବଡ଼ ବିଜୟ; ୟେମେନରେ କେରଳ ନର୍ସ ନିମିଷା ପ୍ରିୟାଙ୍କ ମୃତ୍ୟୁଦଣ୍ଡ ପ୍ରତ୍ୟାହାର
କଣ ହୋଇଥିଲା ଦାବି- ଆଜି 'ଗ୍ରାଣ୍ଡ ମୁଫତି ଅଫ ଇଣ୍ଡିଆ' କାନ୍ଥାପୁରମ ଏପି ଅବୁବାକର ମୁସଲିୟାରଙ୍କ କାର୍ଯ୍ୟାଳୟ ପକ୍ଷରୁ ଘୋଷଣା ହୋଇଥିଲା କି, ନିମିଷା ପ୍ରିୟାଙ୍କ ମୃତ୍ୟୁଦଣ୍ଡକୁ ଆନୁଷ୍ଠାନିକ ଭାବରେ ବାତିଲ୍ କରାଯାଇଛି । ପୂର୍ବରୁ ନର୍ସଙ୍କ ମୃତ୍ୟୁଦଣ୍ଡକୁ ଅସ୍ଥାୟୀ ଭାବରେ ସ୍ଥଗିତ ରଖାଯାଇଥିଲା । କାର୍ଯ୍ୟାଳୟ ଉଲ୍ଲେଖ୍ୟ କରିଥିଲା କରି ଏ ନେଇ ୟେମେନ୍ ସରକାରଙ୍କ ପକ୍ଷରୁ କୌଣସି ଆନୁଷ୍ଠାନିକ ଲିଖିତ ଭାବେ ସ୍ପଷ୍ଟ କରାଯାଇନାହିଁ । ଭାରତର ବୈଦେଶିକ ମନ୍ତ୍ରଣାଳୟ ବର୍ତ୍ତମାନ ଏହି ଦାବିକୁ ଖଣ୍ଡନ କରିଛନ୍ତି ।
କେରଳ ପଲକ୍କଡ଼ ଜିଲ୍ଲାର ବାସିନ୍ଦା ନିମିଷା ୨୦୧୧ରେ ୟେମେନ ଯାଇଥିଲେ । ସେଠାରେ ବିଭିନ୍ନ ହସ୍ପିଟାଲରେ କାମ କରିବା ପରେ କ୍ଲିନିକ୍ ଖୋଲିବାକୁ ଉଦ୍ୟମ କରିଥିଲେ । ୟେମେନର ନିୟମ ଅନୁସାରେ, ସେଠାରେ ବ୍ୟବସାୟ କଲେ ସ୍ଥାନୀୟ ଲୋକଙ୍କ ଭାଗୀଦାରି ଆବଶ୍ୟକ । ଏହି କାରଣରୁ ନିମିଷା ୟେମେନ ନାଗରିକ ତଲାଲ ଅବ୍ଦୋଙ୍କ ସହ ମିଶି କାମ ଆରମ୍ଭ କରିଥିଲେ । କିନ୍ତୁ ଅବ୍ଦୋ ତାଙ୍କୁ ହଇରାଣ କରୁଥିବା ଓ ତାଙ୍କ ପାସପୋର୍ଟ ଫେରାଉ ନ ଥିବା ନିମିଷା ଅଭିଯୋଗ କରିଥିଲେ । ଏ ନେଇ ସେ ଥାନାର ଦ୍ୱାରସ୍ଥ ମଧ୍ୟ ହୋଇଥିଲେ ।
ପାସପୋର୍ଟ ଫେରି ପାଇବାକୁ ନିମିଷା ଅବ୍ଦୋଙ୍କୁ ଅଚେତ ଇଞ୍ଜେକ୍ସନ ଦେଇଥିଲେ । କିନ୍ତୁ ଓଭରଡୋଜ୍ କାରଣରୁ ଅବ୍ଦୋଙ୍କ ମୃତ୍ୟୁ ଘଟିଥିଲା । ପରେ ନିମିଷା ତାଙ୍କ ସହଯୋଗୀଙ୍କ ସହ ମିଶି ଅବ୍ଦୋଙ୍କ ମୃତଦେହକୁ ଖଣ୍ଡ ଖଣ୍ଡ କରି ପାଣି ଟାଙ୍କିରେ ଫିଙ୍ଗି ଦେଇଥିଲେ । ୩୭ ବର୍ଷୀୟା ନିମିଷା ଭାରତ ପଳାଇ ଆସିବାକୁ ଉଦ୍ୟମ କରୁଥିବାବେଳେ ଗିରଫ ହୋଇଥିଲେ । ୨୦୧୭ରେ ଦୋଷୀ ସାବ୍ୟସ୍ତ ପରେ ୟେମେନ କୋର୍ଟ ୨୦୨୦ରେ ତାଙ୍କୁ ମୃତ୍ୟୁ ଦଣ୍ଡାଦେଶ ଦିଆଯାଇଥିଲା ।
