ଭୁବନେଶ୍ୱର,୨୯/୦୧: ବିଳମ୍ବିତ ରାତିରେ ମଦ୍ୟପାନ କରି ବେପରୁଆ ଗାଡ଼ି ଚାଳନା । ଭୁବନେଶ୍ୱରର ଜନତା ମଇଦାନ ସମ୍ମୁଖରେ ଭରସାମ୍ୟ ହରାଇ ଖୁଣ୍ଟକୁ ପିଟିଲା କାର୍ । ଏୟାରବ୍ୟାଗ୍ ବଞ୍ଚାଇଦେଲା ୨ ଯୁବକଙ୍କ ଜୀବନ । ଘଟଣାସ୍ଥଳରେ ପୋଲିସର ତଦନ୍ତ ଆରମ୍ଭ । ଭୁବନେଶ୍ୱରର ଜନତା ମଇଦାନ ସମ୍ମୁଖରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ମଙ୍ଗଳବାର ବିଳମ୍ୱିତ ରାତିରେ ୨ ଜଣ ଯୁବକ ଏକ କାର୍ରେ ଯାତ୍ରା କରୁଥିଲେ । ମଦ୍ୟପାନ କରି ବେପରୁଆ ହୋଇ ଗାଡ଼ି ଚଳାଉଥିଲେ । ଏହି ସମୟରେ ଭୁବନେଶ୍ୱରର ଜନତା ମଇଦାନ ସମ୍ମୁଖରେ ଉତ୍କର୍ଷ ଓଡ଼ିଶା କାର୍ଯ୍ୟକ୍ରମର ସମସ୍ତ ପୋଷ୍ଟର ସହ ଲାଇଟ୍ ଲାଗିଥିଲା । ସେଠାରେ ଗାଡ଼ିଟି ଭାରସାମ୍ୟ ହରାଇ ଖୁଣ୍ଟକୁ ପିଟି ଦେଇଥିଲା । ଫଳରେ ଗାଡ଼ିରେ ଥିବାର ଏୟାରବ୍ୟାଗ୍ ଖୋଲି ଯାଇଥିଲା। ଯାହା ଫଳରେ ଯୁବକ ଦ୍ୱୟ ଏକ ବଡ଼ ଦୁର୍ଘଟଣା ହେବାରୁ ବଞ୍ଚି ଯାଇଥିଲେ । ଏହା ଦେଖି ତୁରନ୍ତ ସ୍ଥାନୀୟଲୋକେ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଗାଡ଼ିଟିକୁ ଜବତ କରିଛି । ଏହା ସହ ଘଟଣାର ତଦନ୍ତ ମଧ୍ୟ ଚଳାଇଛି ।
