ମୋହନା, ୦୪/୦୭ : ଘାଟିରୁ ୧୦ ଫୁଟ ତଳକୁ ଖସିଲା କାର୍। ଅଳ୍ପକେ ବର୍ତ୍ତିଲେ ଗୋଟିଏ ପରିବାରର ୩ ସଦସ୍ୟ। ଗଜପତି ଜିଲ୍ଲା ଅଡ଼ବା ଥାନା ଖାରୀଗୁଡା ପଞ୍ଚାୟତର ଭୀମଦଳୀ ଘାଟିରେ ଏହି ଦୁର୍ଘଟଣା ଘଟିଛି। ଦୁର୍ଘଟଣାରେ ୩ ଜଣ ଆହତ ହୋଇଛନ୍ତି।
ସୂଚନାନୁଯାୟୀ, ରାୟଗଡ଼ା ଜିଲ୍ଲା ରାମନାଗୁଡା ଗାଁର ଏ.ଶିବ ପ୍ରସାଦ ତାଙ୍କ ସ୍ତ୍ରୀ ଏ. ଭାରତୀ ଓ ଝିଅ ଏ.ତେଜସ୍ୱିନୀ କାରରେ ଖୋର୍ଦ୍ଧା ହଷ୍ଟେଲକୁ ଯାଉଥିଲେ। ଭୋର ସମୟରେ ଗଜପତି ଜିଲ୍ଲା ଅଡ଼ବା ଥାନା ଖାରୀଗୁଡା ପଞ୍ଚାୟତର ଭୀମଦଳୀ ଘାଟିରେ ଗୋଟିଏ ବସ୍କୁ ସାଇଡ୍ ଦେବାବେଳେ ଘାଟିରେ ୧୦ ଫୁଟ ତଳକୁ କାର୍ଟି ଖସିପଡ଼ିଥିଲା। ଏହି ଦୁର୍ଘଟଣାରେ ଏ.ଶିବ ପ୍ରସାଦ ଓ ତାଙ୍କ ପରିବାର ଆହତ ହୋଇଥିଲେ। ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଉଦ୍ଧାର କରି ମୋହନା ମେଡିକାଲରେ ଭର୍ତ୍ତି କରିଛି।
