ନୂଆଦିଲ୍ଲୀ: ଆଜି ସିବିଏସଇର ଦଶମ ଓ ଦ୍ୱାଦଶ ଶ୍ରେଣୀର ରେଜଲ୍ଟ ପ୍ରକାଶ ହେବା ଖବରକୁ ଖଣ୍ଡନ କରିଛି ସିବିଏସଇ ବୋର୍ଡ। ଖବର ମୁତାବକ ବିଭିନ୍ନ ସାମାଜିକ ଗଣମାଧ୍ୟମରେ ଭାଇରାଲ ହେଉଥିବା ପୋଷ୍ଟ ଓ ଗଣମାଧ୍ୟମର ରିପୋର୍ଟରେ ଆସନ୍ତାକାଲି ରେଜଲ୍ଟ ପ୍ରକାଶ ପାଇବ ବୋଲି ପୋଷ୍ଟ ଭାଇରାଲ ହେବାରେ ଲାଗିଥିଲା। ଏନେଇ ସିବିଏସଇର ଜଣେ ବରିଷ୍ଠ ଅଧିକାରୀ ସୂଚନା ଦେଇ କହିଛନ୍ତି ଯେ ରେଜଲ୍ଟ ପ୍ରକାଶ ହେବାର ଦିନାଙ୍କ ଏଯାଏ ସ୍ଥିର ହୋଇନାହିଁ। ଏଯାଏ ସିବିଏସଇ ଆଧିକରିକ ସ୍ତରରେ କୈଣସି ଘୋଷଣା ମଧ୍ୟ କରିନାହିଁ। ତେଣୁ ଆପଣମାନେ ଏଭଳି ମିଛ ଖବର ଠୁ ଦୁରେଇ ରୁହନ୍ତୁ। 

ପରିକ୍ଷା ଦେଇଥିବା ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକମାନଙ୍କୁ ସୂଚନା ଦେଇ ସେ କହିଛନ୍ତି ଯେ “ଦୟାକରି ଆପଣମାନେ ବ୍ୟତିବ୍ୟସ୍ତ ହୁଅନ୍ତୁ ନାହିଁ। ରେଜଲ୍ଟ ନେଇ ଯାହାବି ଅପଡେଟ ଆସିବା ତାହା କେବଳ ସିବିଏସଇର ଅଫିସିଆଲ ୱେବସାଇଟ cbse.gov.in, cbseresults.nic.in ଓ results.cbse.nic.in ରେ ଉପଲବ୍ଧ ହେବ। ତେଣୁ ଆପଣମାନେ କେବଳ ଆଧିକାରିକ ୱେବସାଇଟର ଯାଞ୍ଚ କରନ୍ତୁ।”

ଆପଣଙ୍କୁ ଜଣାଇରଖୁ ଯେ, ପୂର୍ବରୁ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଦଶମ ଓ ଦ୍ୱାଦଶ ଶ୍ରେଣୀର ରେଜଲ୍ଟ ପ୍ରତିବର୍ଷ ମେ ମାସ ଦ୍ୱିତୀୟ ସପ୍ତାହରେ ରିଲିଜ କରିଥାଏ। ୨୦୨୪ ମସିହାରେ ମେ ମାସ ୧୩ ତାରିଖ ଦିନ ଆଧିକାରୀକ ସ୍ତରରେ ରେଜଲ୍ଟ ପ୍ରକାଶ କରାଯାଇଥିଲା। ତେଣୁ ନିକଟରେ ଭାଇରାଲ ହେଉଥିବା ପୋଷ୍ଠରେ ମେ ମାସ ୨ ତାରିଖ ଦିନ ରେଜଲ୍ଟ ପ୍ରକାଶ ନେଇ ଭାଇରାଲ ହେଉଥିବା ପୋଷ୍ଟର କୌଣସି ସତ୍ୟାସତ୍ୟ ନଥିବା ଜଣାପଡିଛି।

ଚଳିତ ବର୍ଷ ପ୍ରାୟ ୪୪ ଲକ୍ଷରୁ ଅଧିକ ଛାତ୍ର ସିବିଏସଇ ଅଧିନରେ ପରିକ୍ଷା ଦେଇଛନ୍ତି। ସେମାନଙ୍କ ମଧ୍ୟରେ ଦଶମ ଶ୍ରେଣୀରେ ପାଖାପାଖି ୨୪.୧୨ ଲକ୍ଷ ଛାତ୍ର ପରିକ୍ଷା ଦେଇଥିବା ବେଳେ ଦ୍ୱାଦଶ ଶ୍ରେଣୀରେ ୧୭.୮୮ ଲକ୍ଷ ଛାତ୍ର ଏହି ପରିକ୍ଷା ଦେଇଛନ୍ତି। ତେବେ ସିବିଏସଇ ପକ୍ଷରୁ କୌଣସି ଆଧିକାରିକ ଘୋଷଣା ଜାରି ହୋଇଥିବା ବେଳେ ଚଳିତ ମାସ ଦ୍ୱିତୀୟ କିମ୍ନା ତୃତୀୟ ସପ୍ତାହରେ ରେଜଲେଟ ଘୋଷଣା କରାଯିବ ବୋଲି ଆଶା କରାଯାଉଛି। 

ରେଜଲ୍ଟ ଘୋଷଣା ହେଲା ପରେ ଛାତ୍ରଛାତ୍ରୀମାନେ ସେମାନଙ୍କ ରୋଲ ନମ୍ୱର, ସ୍କୁଲ ନମ୍ବର ଓ ଜନ୍ମ ତାରିଖ ବ୍ୟବହାର କରି ସେମାନଙ୍କ ପ୍ରୋଭିଜନାଲ ମାର୍କସିଟ ଡାଉନଲୋଡ କରିପାରିବେ। ତେବେ ଅସଲି ମାର୍କସିଟ ରେଜଲ୍ଟ ବାହାରିବାର ମାସକ ମଧ୍ୟରେ ଛାତ୍ରଛାତ୍ରୀ ମାନେ ପଢୁଥିବା ସ୍କୁଲରେ ଉପଲବ୍ଧ ହେବ। ଯେଉଁଠୁ ସେମାନେ ଯାଇ ସିଧାସଳଖ ଏହାକୁ ଗ୍ରହଣ କରିପାରିବେ। 

ଛାତ୍ରଛାତ୍ରୀମାନଙ୍କୁ CBSE ଦ୍ୱାରା ରେଜଲ୍ଟ ବାହାରିବାର ସୂଚନା ଜାରି ହେବାଯାଏ ଅପେକ୍ଷା କରିବାକୁ ଅନୁରୋଧ କରାଯାଇଛି। ଓ ବିଭିନ୍ନ ସୋସିଆଲ ମିଡିଆ କିମ୍ବା ଅନ୍ୟାନ୍ୟ ଅଣଆନୁଷ୍ଠାନିକ ପ୍ଲାଟଫର୍ମରେ ପ୍ରସାରିତ ହେଉଥିବା ଭୁଲ ଖବରରେ ପଡ଼ିବାରୁ ଯଥାସମ୍ଭବ ଏଡାଇବାକୁ ଅନୁରୋଧ କରାଯାଇଛି।