ନୂଆଦିଲ୍ଲୀ,୧୦/୧୨: ଭାରତୀୟ ପ୍ରତିସ୍ଫର୍ଦ୍ଧା ଆୟୋଗ(ସିସିଆଇ) ଆମାଜନ ଏବଂ ଫ୍ଲିପ୍କାର୍ଟ ବିରୋଧରେ ସୁପ୍ରିମ୍କୋର୍ଟଙ୍କ ଦ୍ୱାରସ୍ଥ ହୋଇଛି। ଅସ୍ୱଚ୍ଛ ବ୍ୟବସାୟିକ କାର୍ଯ୍ୟକଳାପ ପାଇଁ ଉଭୟ କମ୍ପାନିଙ୍କ ବିରୋଧରେ ଯାଞ୍ଚ ଚାଲିଛି । ତେବେ ଯାଞ୍ଚ ପ୍ରକ୍ରିୟାରେ ଆଇନଗତ ଚ୍ୟାଲେଞ୍ଜ୍ଗୁଡ଼ିକ ଉପରେ ଶୁଣାଣି କରିବା ପାଇଁ ଅନୁରୋଧ କରିଛି ସିସିଆଇ । ଏହା ପ୍ରକାଶ କରିଛି ଯେ, ସାମ୍ସଙ୍ଗ୍, ଭିଭୋ ଏବଂ ଅନ୍ୟ କମ୍ପାନିଗୁଡ଼ିକ ଉଚ୍ଚ ନ୍ୟାୟାଳୟଙ୍କ ଯାଞ୍ଚକୁ ରୋକିବା ଉଦ୍ଦେଶ୍ୟରେ ଭିନ୍ନ ଭିନ୍ନ କୋର୍ଟରେ ଚ୍ୟାଲେଞ୍ଜ୍ କରୁଛନ୍ତି । ସିସିଆଇ ଡିସେମ୍ବର ୩ରେ କୋର୍ଟରେ ଫାଇଲିଂ ଦାଏର୍ କରିଥିଲା, ଯାହାକୁ ସାର୍ବଜନୀନ କରାଯାଇ ନ ଥିଲା । ଭାରତୀୟ ପ୍ରତିସ୍ଫର୍ଦ୍ଧା ଆୟୋଗ କୋର୍ଟ ଆଗରେ ଅନୁରୋଧ କରିଛି ଯେ, ସାମ୍ସଙ୍ଗ୍, ଭିଭୋ, ଆମାଜନ ଏବଂ ଫ୍ଲିପ୍କାର୍ଟ ବିରୋଧରେ ଭେଣ୍ଡର୍ମାନଙ୍କ ୨୩ଟି ଅଭିଯୋଗ ଉପରେ ଶୁଣାଣି ହେଉ । ଏହା ଦ୍ୱାରା ମାମଲାରେ ଶୀଘ୍ର ଶୁଣାଣି ହୋଇପାରିବ ବୋଲି ଏହା ପ୍ରକାଶ କରିଛି ।
