ନୂଆଦିଲ୍ଲୀ,୩୧।୫: ‘ଅପରେସନ ସିନ୍ଦୂର’ ସମୟରେ, ଭାରତୀୟ ସେନା ସମ୍ପୂର୍ଣ୍ଣ ଯୁକ୍ତିଯୁକ୍ତ ଥିଲା, ତେଣୁ ପରମାଣୁ ଯୁଦ୍ଧର ପ୍ରଶ୍ନ ଉଠୁନାହିଁ। କାରଣ ଏକ ଅଘୋଷିତ ଯୁଦ୍ଧରେ ପରମାଣୁ ଯୁଦ୍ଧର କୌଣସି ଯୁକ୍ତି ନାହିଁ। ଏଭଳି କିଛି କହିଛନ୍ତି ଦେଶର ସିଡିଏସ୍ ଜେନେରାଲ ଅନିଲ ଚୌହାନ।
ଜେନେରାଲ ଚୌହାନଙ୍କ ବକ୍ତବ୍ୟ ଏପରି ଏକ ସମୟରେ ଆସିଛି ଯେତେବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତ ଏବଂ ପାକିସ୍ତାନ ମଧ୍ୟରେ ସାମରିକ ସଂଘର୍ଷର ଅନ୍ତକୁ ପରମାଣୁ ଯୁଦ୍ଧ ସହିତ ଯୋଡ଼ିଛନ୍ତି। ସିଙ୍ଗାପୁରରେ 'ଶାଙ୍ଗ୍ରି-ଲା ଡାଏଲଗ୍' ସମୟରେ ବିଶ୍ୱର ବିଭିନ୍ନ ସ୍ଥାନରୁ ଆସିଥିବା ସାମରିକ କମାଣ୍ଡର ଏବଂ ଗ୍ଲୋବାଲ ଥିଙ୍କ-ଟ୍ୟାଙ୍କ ସଦସ୍ୟମାନଙ୍କୁ ସମ୍ବୋଧିତ କରି ଏହା କହିଛନ୍ତି। ପ୍ରତିରକ୍ଷା ମୁଖ୍ୟ (ସିଡିଏସ୍) ଜେନେରାଲ ଚୌହାନ କହିଛନ୍ତି, ପାକିସ୍ତାନ ସହିତ ସାମରିକ ସଂଘର୍ଷ ସମୟରେ, ଭୂରାଜନୀତି ନିର୍ବିଶେଷରେ, ଭାରତୀୟ ସେନାସମ୍ପୂର୍ଣ୍ଣ ସ୍ପଷ୍ଟ ଏବଂ ସ୍ୱାଧୀନ ଥିଲା। ଅପରେସନ୍ ସିନ୍ଦୂର ନିକଟ ଭବିଷ୍ୟତର ଯୁଦ୍ଧକୁ ପ୍ରତିଫଳିତ କରେ। ଆଧୁନିକ ଯୁଦ୍ଧରେ ସ୍ଥଳ, ବାୟୁ, ସାମୁଦ୍ରିକ, ସାଇବର ଏବଂ ମହାକାଶ ଭଳି କ୍ଷେତ୍ରର ଏକ 'ଜଟିଳ ସମନ୍ୱୟ' ସହିତ କୌଶଳଗତ ରଣନୀତି ଅନ୍ତର୍ଭୁକ୍ତ। ଏହି ଅଭିଭାଷଣର ବିଷୟବସ୍ତୁ ଥିଲା ‘ଫ୍ୟୁଚର ଓ୍ବାରର୍ସ ଆଣ୍ଡ ଓ୍ବାରଫେୟାର’।
ସିଡିଏସ୍ କହିଛନ୍ତି ଯେ ଅପରେସନ୍ ସିନ୍ଦୂର ଏକ ‘ନନ୍ –କଣ୍ଟାଣ୍ଟ’ ମଲ୍ଟି ଡୋମେନ୍ ମିଶନ" ଥିଲା। ଯେଉଁଥିରେ ସାଇବର ଆକ୍ରମଣ ଓ ନାରେଟିଭ ବିରୋଧରେ ଅଭିଯାନ, ଗୁଇନ୍ଦା କ୍ଷମତାର ପ୍ରଦର୍ଶନ ଭଳି ଦିଗ ସାମିଳ ଥିଲା। ଅପରେସନ୍ ସିନ୍ଦୂର ବେଳେ ଆମର ୧୫% ସମୟ କେବଳ ଫେକ୍ ନ୍ୟୁଜ୍କୁ ମୁକାବିଲା କରିବାରେ ଲାଗିଥିଲା। ଆମର ରଣନୀତି ତଥ୍ୟ ଆଧାରିତ ସଞ୍ଚାର ଉପରେ ଜୋର ଦେଇଥିଲା।
ଜେନେରାଲ ଚୌହାନ କହିଛନ୍ତି ଯେ ଅପରେସନ ଆରମ୍ଭରେ ଦୁଇଜଣ ମହିଳା ଅଧିକାରୀ (କର୍ଣ୍ଣେଲ ସୋଫିଆ କୁରେଶୀ ଏବଂ ୱିଙ୍ଗ କମାଣ୍ଡର ୱୋମିକା ସିଂହ) ମୁଖପାତ୍ର ଭାବରେ କାର୍ଯ୍ୟ କରିଥିଲେ। ମେ ୧୦ ପରେ ହିଁ ଡିଜିଏମଓ ଗଣମାଧ୍ୟମକୁ ସୂଚନା ଦେଇଥିଲେ। ଚୀନ୍ର କମର୍ସିଆଲ ସାଟେଲାଇଟର ସାହାଯ୍ୟ ନେଇଥିଲା ପାକିସତାନ। ତେବେ କୌଣସି ପ୍ରମାଣ ଦେଖିବାକୁ ମିଳିନି ଚୀନ୍ର ରିୟଲ-ଟାଇମ୍ ( ଡ୍ରୋନ୍ ଓ ମିସାଇଲ)ଆକ୍ରମଣରେ ପାକିସ୍ତାନକୁ କିଛି ସାହାଯ୍ୟ ମିଳିଛି। ତେବେ ଭାରତ ସମ୍ପୂର୍ଣ୍ଣ ଭାବରେ ସ୍ବଦେଶର ଅସ୍ତ୍ର ଆକାଶ ଉପରେ ନିର୍ଭରଶୀଳ ଥିଲା।
