ନୂଆଦିଲ୍ଲୀ, ୧୬/୧୧ : ଆଇସିସି ଚାମ୍ପିୟନ୍ସ ଟ୍ରଫି ୨୦୨୫ ପୂର୍ବରୁ ଟ୍ରଫି ଟୁର୍ ଜାରି ହୋଇଛି । ଭାରତୀୟ କ୍ରିକେଟ କଣ୍ଟେ୍ରାଲ ବୋର୍ଡ଼ର ଆପତ୍ତି ପରେ ଚାମ୍ପିୟନ୍ସ ଟ୍ରଫି ପାକିସ୍ତାନ ଅଧିକୃତ କଶ୍ମୀର ଯିବ ନାହିଁ । ଆଇସିସି ପିଓକେର ଯୋଜନା ପାକିସ୍ତାନରେ କ୍ୟାନ୍ସେଲ କରି ଦେଇଛି । ଚାମ୍ପିୟନ୍ସ ଟ୍ରଫିର ଟୁର୍ ୧୬ନଭେମ୍ବରରୁ ଇସଲାମାବାଦରୁ ଆରମ୍ଭ ହେବ । ସେହିଭଳି ଏହାର ଶେଷ ସିଡ୍ୟୁଲ ଭାରତ ଲାଗି ରଖାଯାଇଛି । ଏହାପରେ ଟ୍ରଫି ପୁଣି ଥରେ ପାକିସ୍ତାନ ଚାଲିଯିବ ।
ପାକିସ୍ତାନ କ୍ରିକେଟ ବୋର୍ଡ଼ ଚାମ୍ପିୟନ୍ସ ଟ୍ରଫିକୁ ପିଓକେରେ ବି ନେବାକୁ ଚାହୁଁଥିଲା । କିନ୍ତୁ ବିସିସିଆଇର ଆପତ୍ତି ପରେ ତା’ର ଏହି ଇଛାରେ ପାଣି ପଡ଼ିଯାଇଛି। ଏବେ ଆଇସିସି ଟ୍ରଫି ଟୁରର ନୂଆ ସିଡ୍ୟୁଲ ଜାରି କରିଛି । ଏହାର ଆରମ୍ଭ ୧୬ନଭେମ୍ବରରୁ ହେବ ଏବଂ ଏହା ୨୬ଜାନୁଆରୀ ପର୍ଯ୍ୟନ୍ତ ଚାଲିବ । ଟ୍ରଫି ୨୬ଜାନୁଆରୀରେ ଭାରତରେ ହିଁ ହେବ । ଭାରତ ଲାଗି ୨୬ଜାନୁଆରୀ ବହୁ ଗୁରୁତ୍ବପୂର୍ଣ୍ଣ ଅଟେ । ଏଠାରେ ଏହି ଦିନ ଗଣତନ୍ତ୍ର ଦିବସ ପାଳିତ ହୋଇଥାଏ ।
ଚାମ୍ପିୟନ୍ସ ଟ୍ରଫିର ଟୁର୍ ଭାରତ ଲାଗି ବି ଫିକ୍ସ ହୋଇଛି । ଏହା ଭାରତରେ ୧୫ଜାନୁଆରୀରେ ଆସିବ ଏବଂ ଏହା ୨୬ଜାନୁଆରୀ ପର୍ଯ୍ୟନ୍ତ ରହିବ । ଆଇସିସି ଏହାର ପୁରା ସିଡ୍ୟୁଲ ଜାରି କରିଛି । ଚାମ୍ପିୟନ୍ସ ଟ୍ରଫିର ଟୁର୍ ପାକିସ୍ତାନରେ ୧୬ନଭେମ୍ବରରୁ ୨୫ନଭେମ୍ବର ପର୍ଯ୍ୟନ୍ତ ଚାଲିବ । ଟ୍ରଫି ଇସଲାମବାଦ ପରେ ଏବଟାବାଦ, ମୁରୀ, ନଥିୟା ଗଳୀ ଏବଂ କରାଚୀରେ ଯିବ । ଏହାପରେ ଏହା ୨୬ରୁ ୨୮ନଭେମ୍ବର ପର୍ଯ୍ୟନ୍ତ ଆଫଗାନିସ୍ତାନରେ ରହିବ ।
