ଭୁବନେଶ୍ବର,୨୫/୧୦: ଝାରପଡ଼ା ଜେଲରେ ଆତଙ୍କ । ଜେଲ୍ ୱାର୍ଡର ଏବଂ ଜେଲରଙ୍କୁ ଆକ୍ରମଣ କଲେ ଜେଲ୍ର ହାଇ ସେକ୍ୟୁରିଟୀ ସେଲରେ ଥିବା କଏଦୀ । ଜୀବନ ବଞ୍ଚାଇବାକୁ ଯାଇ ଜେଲ୍ ସିକ୍ୟୁରିଟି ବଜାଇଲେ ଆଲାରାମ୍ । ଭୁବନେଶ୍ୱରର ଝାରପଡ଼ାସ୍ଥିତ ସ୍ୱତନ୍ତ୍ର କାରାଗାରରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କୌଣସି କାରଣରୁ ଝାରପଡ଼ାସ୍ଥିତ ସ୍ୱତନ୍ତ୍ର କାରାଗାରର କଏଦୀ ଜେଲ୍ ୱାର୍ଡର ଏବଂ ଜେଲରଙ୍କ ଉପରକୁ ଆକ୍ରମଣ କରିଥିଲେ । ପରେ ଏହି ଗଣ୍ଡଗୋଳ ବଢିବାରୁ ଜୀବନ ବଞ୍ଚାଇବାକୁ ଯାଇ ଜେଲ୍ ସିକ୍ୟୁରିଟି ଆଲାରାମ୍ ବଜାଇଥିଲେ । ଜେଲ୍ରେ ଏହି ଆଲାରାମ୍ ପ୍ରାୟ ଅଧଘଣ୍ଟା ଧରି ବାଜିଥିଲା । ଏହି ଆଲାରାମ୍ଟି କେବଳ ବିପଦ ଆସିଲେ ବାଜିଥାଏ । ତେଣୁ ଜେଲ୍ ଭିତରେ ଆତଙ୍କ ଖେଳି ଯାଇଥିଲା । ଏନେଇ ଜେଲ୍ର କର୍ମୀ ଲକ୍ଷ୍ମୀ ସାଗର ପୋଲିସକୁ ଖବର ଦେଇଥିଲେ । ଖବର ପାଇ ଲକ୍ଷ୍ମୀ ସାଗର ପୋଲିସ ଜେଲରେ ପହଞ୍ଚିଥିଲେ । ହେଲେ ଏପର୍ଯ୍ୟନ୍ତ ସ୍ଥିତି ନିୟନ୍ତ୍ରଣକୁ ଆସିଚି ନା ନାହିଁ ଜଣା ପଡ଼ିନାହିଁ । ତେବେ ଏହି ଘଟଣାର ତଦନ୍ତ କରିବା ପାଇଁ ଜେଲ୍ ଡିଜି ନିର୍ଦ୍ଦେଶ ଦେଇଥିବା ସୂଚନା ମିଳିଛି ।
