ଭୁବନେଶ୍ୱର,୧୦/୦୪: ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କେନ୍ଦୁଝର ଜିଲ୍ଲାକୁ ୨ ଦିନିଆ ଗସ୍ତରେ ଯିବେ । ଗୁରୁବାର ସକାଳେ ଭୁବନେଶ୍ୱରରୁ ହେଲିକପ୍ଟର ଯୋଗେ ଅଭିମୁଖେ କେନ୍ଦୁଝର ଯିବେ। ସେଠାରେ ପୁଲିସ ପଡିଆରେ ୯ଟା ୩୦ରେ ଅବତରଣ କରିବେ । ପରେ ୩୯ ତମ ସବ୍ ଜୁନିୟର ବାଳକ ଜାତୀୟ ହ୍ୟାଣ୍ଡବଲ ଚାମ୍ପିଅନସିପ୍ କାର୍ଯ୍ୟକ୍ରମରେ ସାମିଲ ହେବେ । ଏହାପରେ କାଳୀତୀର୍ଥ ପଡିଆରେ ସନାତନ ଧର୍ମ ସମ୍ମିଳନୀ ୧୧୪ କୁଣ୍ଡିଅ ମହାଯଜ୍ଞରେ ଉପସ୍ଥିତ ରହିବେ ।
ପରେ ସଦର ବ୍ଲକର ବୀରକିଶୋରପୁର ନୋଡାଲ ହାଇସ୍କୁଲର ସୁବର୍ଣ୍ଣ ଜୟନ୍ତୀରେ ମୁଖ୍ୟ ଅତିଥି ଭାବେ ଯୋଗ ଦେବେ । ଅପରାହ୍ନରେ ଝୁମ୍ପୁରା ସରସ୍ୱତୀ ବିଦ୍ୟାମନ୍ଦିର ୩୭ ତମ ବାର୍ଷିକ ଉତ୍ସବରେ ଯୋଗଦେବେ । ଏହାପରେ ମୁରୁସୁଆଁ ପଡିଆରେ ଆୟୋଜିତ କ୍ରିକେଟ୍ ଟୁର୍ଣ୍ଣାମେଣ୍ଟ କାର୍ଯ୍ୟକ୍ରମରେ ଯୋଗଦେଇ ସର୍କିଟ୍ ହାଉସ ଠାରେ ରାତ୍ରୀଯାପନ କରିବେ ।
