ଭୁବନେଶ୍ୱର, ୧୦/୧୦: ଭୁବନେଶ୍ୱର ଓ କଟକର ବିଭିନ୍ନ ପୂଜା ମଣ୍ଡପ ବୁଲିବେ ମୁଖ୍ୟମନ୍ତ୍ରୀ ମୋହନ ମାଝୀ । ଯେହେତୁ ସେ ସାଧାରଣ ଲୋକଙ୍କ ମୁଖ୍ୟମନ୍ତ୍ରୀ, ତେଣୁ ଲୋକଙ୍କ ସହ ପୂଜା ମଣ୍ଡପ ବୁଲିବେ । ଏନେଇ ସେ ସୂଚନା ଦେଇଛନ୍ତି । ପୁରୁଣା ପୂଜା ଅନୁଷ୍ଠାନକୁ ଯାଇ ମା'ଙ୍କ ଦର୍ଶନ କରିବେ ଓ ଲୋକଙ୍କୁ ଭେଟିବେ । ଏହା ସହ ମନ୍ତ୍ରୀ ମଣ୍ଡଳର ସଦସ୍ୟ ମଧ୍ୟ ପୂଜା ମଣ୍ଡପ ବୁଲିବେ ।
ରସୁଲଗଡ, ବରମୁଣ୍ଡା, ନୟାପଲ୍ଲୀ, ଷ୍ଟେସନ ବଜାର, ଲକ୍ଷ୍ମୀ ସାଗର ଓ ସୁନ୍ଦରପଦା ଭଳି ଅନେକ ମଣ୍ଡପ ବୁଲିବେ । ପୂଜାରେ ମା'ଙ୍କୁ ନେଇ ରାଜନୀତି କରାନଯାଉ ବୋଲି କହିଛନ୍ତି ମୁଖ୍ୟମନ୍ତ୍ରୀ । ଏହା ସହ ବିଜେଡି ନେତା ଏବଂ କଂଗ୍ରେସ ନେତା ମଧ୍ୟ ସମସ୍ତ ପୂଜା ମଣ୍ଡପ ବୁଲନ୍ତୁ ବୋଲି ସେ କହିଛନ୍ତି ।
